في يوم من الأيام كان نفسي أكل كشري ولحسن حظي كنت موجود فى منطقة وسط البلد، ودخلت #محل_كشري_معروف وبصراحة البداية كانت جميلة جدآ وفي نظام، وبمجرد ما تدخل المحل بتلاقي حد بيعقم لك إيديك بالكحول وبيقيس درجة الحرارة، والموظفين الموجودين فى المكان #ملتزمين_بالإجراءات_الإحترازية من لبس الكمامة والجلافز، وكمان ملتزمين بالقدرة الإستيعابية للمكان، وده شئ خلانى مبسوط جدآ لحد ما دخلت المطعم وطلبت الأكل وطلبت أن الأكل يجيلي فى #أطباق_إستخدام_المرة_الواحدة وقلت للموظف حتى لو فى تكلفة زبادة ممكن تضاف على الحساب معنديش ادني مشكله خالص.
هنا كان رد الموظف أننا يافندم بنعقم الأطباق بعناية كبيرة لأننا بنخاف على نفسنا قبل الخوف على العميل وما تقلقش خالص من موضوع الأطباق، وبصراحة كنت متردد فى ده خاصة أن لسه متعافي من الإصابة بفيروس كورونا ولكن....قلت طالما بيتكلم بثقه والمطعم له إسمه وبعد ما شفت الإهتمام من وقت ما دخلنا المكان، رديت قلت له تمام على بركة الله.
وبالفعل الأوردر وصل بسرعة وكان سخن وجميل ولكن الموظف قام بتصرف غريب بمجرد ما نزل الأوردر حط لينا شيك الحساب مع الأكل على الترابيزة، وطبعا ده تصرف ممكن يكون سبب فى #خسارة_مبيعات_كتيرة_جدا ده طبعا غير #خسارة_موارد_المكان زى ورق الفواتير اللى بيتم طباعته لو العميل حب انه يزود حاجه على طلبه وده فى حد ذاته ممكن يكون تصرف بيزيد تكاليف على المكان.
المهم قلت عادى ممكن يكون نظامهم كده، وبمجرد ما بدأنا نأكل دخلوا عملاء من بلد عربي شقيق وقعدوا على الترابيزة المجاورة لينا، وبالفعل طلبوا أوردر يكاد يكون نفس طلبنا إللي إحنا طالبينه وبعد دقائق وصل لهم الاوردر ولكن.....هنا كانت #المفاجأة الأوردر وصل لهم فى أطباق إستخدام المرة الواحدة وبصراحة لما شفت المنظر كنت فى قمة إستيائي من تصرف الموظف بنوع من #التمييز_بين_العملاء وخلصنا أكل ونزلت علشان أدفع الحساب وبالفعل كنت مستاء جدآ من هذا التصرف وعرضت الأمر على خدمة عملاء المكان فى صورة ملاحظه بسيطة بدون تحديد الموظف حتى يستفيدوا من الملاحظة فيما بعد.
علشان كده دايمآ بقول أن تصرف موظف ممكن يكون سبب فى خسارة المبيعات على المدي البعيد، #وعدم_إهتمام_الشركات_بالتدريب على خدمة العميل وتقديم المنتج والخدمة بشكل إحترافي ومميز ممكن يكون سبب فى #خسارة_المبيعات.
ومش بس كده عدم إهتمام الشركات بمتابعة #تجربة_العميل و #متابعة_العمليات منذ بداية دخول العميل المكان إلى أن يتم #إغلاق_صفقة_البيع وحتي ما بعد البيع ممكن تكون سبب فى وجود خسائر لم يتم إكتشافها إلا على المدي البعيد أيضا.
ومن هنا لو أنت صاحب بيزنس #لازم_تهتم_إنك_تسمع_لعملائك من وقت لآخر وتتواصل مع عينة عشوائية من عملائك وتسألهم عن تجاربهم معاك وتسمع لآرائهم وإقتراحاتهم، وخلى بالك أن تجارب العملاء معاك من الممكن أنها تكون بالنسبة لك هي #مصدر_رئيسي للحصول على معلومات كتيرة جدا وأفكار تقدر من خلال إنك تحسن مستوي الخدمة بتاعتك.
كمان لو أنت صاحب بيزنس #أوعي_تنسي_عملائك_الداخليين واهتم بهم بقدر إهتمامك بعملائك الخارجيين، ودائما فكر إزاى إنك تطورهم لأنهم الواجهة الرئيسية لك وبيعبروا عنك بشكل مباشر مع العملاء.
وفى الختام
من خلال قراءتك وتحليلك للموقف الموجود بالبوست إلي أى مدي تري أن هذا الموقف له تأثير سلبي على المكان وماذا سوف تكون ردة فعلك لو مريت بهذا الموقف ؟
تحياتى
كريم محسن
=================================================
احنا موجودين في كل المنصات عشان نوصلكم المعلومة اللي تفديكم في شغلكم او الابتسامة اللي بتساعدنا في مواجهة الظروف الصعبة او يارب يجعلنا سبب في انك تلاقي وظيفة
مستنينكم
***********************
***********************
0 تعليقات