عاجل بدأ تعويم السفينة الجانحة فى قناة السويس
وبما إن المشكلة بدأت تتحل الحمد لله قررت إنى أتكلم فى الموضوع ولكن من وجهة نظر البيزنس لان موضوع السفينة فيه الكثير من الدروس المستفادة لأى صاحب بيزنس.
خليني في البداية كده اوضح إن #نجاح_البيزنس فى تحقيق أهدافه مرتبط بقدرة أصحابه ومتخذي القرار علي مواكبة التطور ووجود رؤية واضحة لهم ومدي استعدادهم للمتغيرات الإقتصادية والسياسية والبيئية والمجتمعية ووجود خطط واضحة لمواجهة هذه المتغيرات حتي وإن لم تحدث علي أرض الواقع.
ومن هذا المنطلق هنلاقي إن أغلب المشروعات العملاقة في العالم عندهم إدارة مهمة جدآ تسمي بإدارة المخاطر"Risk management" هذه الإدارة إللى بيكون هدفها الأساسي مجابهة أي خطر ممكن يؤثر بشكل مباشر في إنجاز أهداف المشروع أو البيزنس بأفضل الوسائل وأقل التكاليف وبيكون دور هذه الإدارة وضع سياسة واضحة لمواجهة الخسائر المتوقعة أو الحد من وقوع هذه الخسائر.
فكرة إنك تكون عارف إزاى تدير المخاطر مش مرتبط ابدآ بكبر حجم مشروعك أو البيزنس بتاعك ولكن #إدارة_المخاطر من بديهيات العمل حتي لو كان البيزنس بتاعك لسه صغيرآ
لذلك مش مهم خالص تكون لسه بتبدأ الطريق ومش مهم خالص يكون البيزنس بتاعك بيحقق ملايين الدولارات ولكن المهم هو انك تكون بتعرف تتعامل مع المتغيرات إللى ممكن تحصل لك في اى وقت وبتهتم بالتفاصيل لان اهتمامك بالتفاصيل دي هو إللى بيخليك دائمآ تكون فارق عن كل إللى حواليك.
علشان كده دايمآ بقول لو أنت صاحب بيزنس أو ناوي تفتح بيزنس خاص لازم تكون عارف يعني إيه #التخطيط_علي_أسوأ_الإحتمالات ومش معني كلامي إنك تكون شخص متشائم أو سلبي ولكن لازم تكون عارف كويس أوي هتعمل إيه لو حصل أى خطر يهدد إستمرار البيزنس بتاعك أو لو حصل أى احتمال ممكن يعرقل مسيرتك فى إنشاء البيزنس ده، وده بيخليك تكون دائمآ مستعد لمواجهة هذه العراقيل وبتكون واضع لنفسك خطط واضحة للتعامل معها فور حدوثها، وده طبعآ بيوفر عليك الوقت والمجهود والفلوس إللى ممكن تتصرف لو لم تكن مستعد وعندك تصور مسبق عن هذه المخاطر.
طيب نعمل ايه بقي علشان نعرف ندير المخاطر قبل حدوثها ؟
من أحد أهم الأسئلة إللى لازم تسألها لنفسك علشان تعرف تدير المخاطر قبل حدوثها وقبل البدء فى تنفيذ البيزنس الخاص بك
ما هي المخاطر التى يمكن أن تواجهك في البيزنس ده ؟
ماهي أهم المؤشرات التى لو حدثت تعطي لك انذرآ بقرب هذه المخاطر؟
ما هي الوسائل المناسبة لمواجهة هذه المخاطر ؟
من هم الأشخاص الذي يمكن اللجوء إليهم لمساعدتك فى مواجهة هذه المخاطر؟
وبمجرد ما تجاوب على هذه الأسئلة هتقدر تعرف إزاى تدير هذه المخاطر قبل حدوثها وتقدر تقييم قدرتك على التعامل معها ومدي تأثيرها على البيزنس بتاعك وتقدر تكون مستعد بخطة واضحة لو تحققت هذه المخاطر.
علشان كده هنلاقي إن #تقليل_الخسائر في وقت الأزمات يعتبر مكسب حقيقي لايمكن أن نغفل عنه، وفكرة إنك تكون بتعرف #إزاى_تقلل_الخسائر وتحد منها مرتبط فى الأساس بإجابة هذه الأسئلة فى بداية البيزنس بتاعك.
ومن أحد أهم الأدوات إللى ممكن تساعدك في ادارة المخاطر بعد ما تجاوب على الاسئلة السابقة هي #تحليل_سوات "Swot analysis" وده إللى هنتكلم عنه فى البوست القادم.
ماتنساش تكتب لي في التعليقات
كيف يمكن لك أن تستفيد من هذا البوست على مستوى شغلك والبيزنس بتاعك؟
تحياتى
كريم محسن
=================================================
احنا موجودين في كل المنصات عشان نوصلكم المعلومة اللي تفديكم في شغلكم او الابتسامة اللي بتساعدنا في مواجهة الظروف الصعبة او يارب يجعلنا سبب في انك تلاقي وظيفة
مستنينكم
***********************
***********************
0 تعليقات