⚠️أفشل ولا تيأس⚠️
اوعي تيأس او تصاب بالاحباط لو فشلت كتير فى حياتك .
لازم تعرف ان الفشل فى حد ذاته هو المعلم الوحيد إللى ممكن يعلمك حاجات استحالة تتعلمها من اى حاجه تانية غير الفشل.
اوعي تيأس من كتر ما حاولت وبرضو لسه ما وصلتش، لان اليأس هو أكبر خيانة فى حق نفسك وبمجرد ما تسمح له انه يندس إلى داخلك وقتها هتكون تخليت تماما عن حياتك.
اكبر ذنب ممكن الإنسان يرتكبه فى حق نفسه انه ما يتعلمش من محطات الفشل ويفضل يلف فى دائرة الفشل لدرجة تخليه يبطل يحاول او يجرب انه يخرج منها ويتعود عليها.
علشان كده لازم تكون مستعد تواجه خوفك من الفشل وما تبطلش تحاول انك تتغلب عليه وتجرب طرق جديدة غير إللى جربتها قبل كده علشان توصل لنتيجة مختلفة غير إللى دايما بتوصللها.
افشل واوعي تيأس او يصيبك الاحباط.
لازم تدرك جيدا "قانون الاحتمالات" إللى بيقول ان اى تجربة فى حياتنا تحقق احد الاحتمالات اما نجاح التجربة او الفشل فيها وفى كلتا الحالتين افتكر كويس اوي انك هتلاقي مكسبك اكبر بكتير من اى خسارة.
ماتسمحش لنفسك بالوقوع فى ( دائرة الفشل ) مرتين واوعي تصدق ان فى حد نجح فى حياته من غير ما يمر بمحطات كتيرة اوى من الفشل.
المهم انك تركز وتتعلم من الفشل، وافتكر ان فى أوقات كتير كنا فاكرين انها النهاية ونكتشف انها اجمل بداية لحياة أفضل مما كنا عليها.
تجنب الحديث السلبى مع ذاتك وانتبه كويس اوعي لمفرداتك لان الكلام السلبي هو إللى بيعمل لحياتك " freeze " وبيخليك تقف محلك سر ولا بتتقدم ولا بتتطور، بل بالعكس حياتك بتتأخر كتير وبتلاقى نفسك واقف لوحدك فى مكان مفهوش حد غير المحبطين والأشخاص السلبيين.
أفشل وافتكر ان الفرص مش هتيجى لك الا لما تمر بالكتير من التحديات وتواجه الصعوبات لانها لا تتطرق باب من لم يكن مستعد لها.
الفرص الحقيقية بتيجى للناس إللى بيكونوا مستعدين انهم يواجهوا الفشل وبيستمروا فى المحاولة، وافتكر ان طريق الوصول للأهداف العظيمة ليس مفروشا بالورود.
تحياتي
كريم_محسن K.M
=================================================
احنا موجودين في كل المنصات عشان نوصلكم المعلومة اللي تفديكم في شغلكم او الابتسامة اللي بتساعدنا في مواجهة الظروف الصعبة او يارب يجعلنا سبب في انك تلاقي وظيفة
مستنينكم
***********************
***********************
0 تعليقات