الشغل فى المبيعات من الأعمال المرهقة جدآ...وبيكون فيه ضغط كبير جدآ لدرجة أن فى أيام ممكن فعليآ #رجال_المبيعات مش بيناموا خاصة فى الأوقات إللى فيها تقفيل شهر أو سنه او كوارتر.
علشان كده لما تحس إنك تعبان ومخنوق ومتضايق ومش قادر تتحمل ضغط الشغل لازم تفكر نفسك بأهدافك من وراء الشغل ده وتحدد أهدافك دى كويس وتحطها أمام عينيك.
من الحاجات المهمه جدآ فى #مجال_البيع إنك تكون محدد أهدافك بوضوح، لأنك لو شغال فى مجال البيع ومفيش هدف واضح من وراء شغلك عمرك ما هتحس إنك مرتاح وهتفضل دايما مضغوط ومتضايق.
#تحديدك_لأهدافك فى مجال البيع هي الطريقة الوحيدة إللى ممكن تخليك قادر إنك تتحمل ضغط العمل......وتخليك قادر إنك تواجه أى صعوبات بصدر رحب، وتصبر وتتحمل لحد ما تتعلم صح من المواقف إللى هتمر عليك ووقتها هتشتغل وأنت سعيد لأن فى حاجه أنت عايز تحققها وتوصل لها.
ومش بس كده الطريقة دي هي إللى هتخليك دايمآ مركز على أفضل الطرق إللى ممكن توصلك لأهدافك فى وقت اقل وبكفاءة وجودة عالية.
علشان كده مهم جدا تكون عارف وجهتك كويس وتتجنب إنك تحيد عنها مهما قابلت من تحديات ...... لأن تحديد أهدافك هي المحفز والدافع الوحيد ليك فى #وقت_الصعاب.
ولو أنت كنت #مدير فى شغلك لازم تتبع طريقة برضوا مهمه جدآ وهي ربط الاهداف الشخصية بالأهداف العملية لفريق عملك.
واوعي تخلى هدفك إنك تكسب ومش مهم أى حد تانى يكسب، لأنك بكده هتخسر على المدي البعيد.
ربط الاهداف الشخصية بالأهداف العملية من أهم الطرق ايضآ إللى بتساعد أى مدير إنه يرتقي بفريق عمله ويحقق من خلالهم أفضل النتائج.
علشان كده وصفة السعادة فى البيع انكم تهتموا جيدآ بتحديد أهدافكم وتفتكروها فى أى وقت صعب يمر عليكم.
وتهتموا جيدآ بربط أهدافكم الشخصية بالأهداف العملية علشان تقدروا تكونوا من ال 10% الناجحين فى مجال البيع.
تحياتى
كريم محسن
=================================================
احنا موجودين في كل المنصات عشان نوصلكم المعلومة اللي تفديكم في شغلكم او الابتسامة اللي بتساعدنا في مواجهة الظروف الصعبة او يارب يجعلنا سبب في انك تلاقي وظيفة
مستنينكم
***********************
***********************
0 تعليقات