اوعي تفكر إنك تتوسع أو تكبر شغلك وأنت مش مستعد لمجرد بس إنك لمست نجاح فى البيزنس بتاعك .
قرار إنك تكبر البيزنس أو إنك تتوسع فى فتح الفروع أو انك توزع منتجاتك أو خدماتك على عدد أكبر من العملاء أو حتى إنك تنوع فى الأنشطة عمره ما هيكون قرار صائب ابدآ إلا بعد ما تدرس قدراتك وإمكانيات الحالية وتعرف هل بالقدرات والإمكانيات دى هتقدر تغطي حجم التوسع إللى أنت عايز تعمله ولا لاء.
دراسة قرار التوسع فى البيزنس هي خطوة مهمه جدا أهم من تنفيذ القرار نفسه، لأنك لازم تكون عارف النتائج المترتبة على قرارك قبل ما تبدأ فى تنفيذه وتدرس النتائج دي كويس اوي .
قبل ما تاخد القرار ده إنت محتاج تسأل نفسك شوية أسئلة ومن خلال الإجابة عليها هتقدر تبنى قرارك على معلومات وحقائق واضحه هتساعدك إنك تأخد القرار أو تراجع نفسك قبل ما الفأس تقع فى الرأس.😢
" أسأل نفسك " 🤔
1️⃣هل قدراتك وإمكانياتك المادية والانتاجية تسمح بالتوسع ده
2️⃣هل عندك إدارة عمليات قوية تدير وتواكب حجم التوسع ده
3️⃣هل عندك الأدوات إللي هتساعدك تتابع البيزنس فى ظل التوسع ده
4️⃣هل عندك الموارد البشرية المؤهلة أنها تغطي حجم التوسع ده
5️⃣هل انت دارس النتائج المترتبة على التوسع ده من جميع الجوانب
6️⃣ما هو العائد على الاستثمار ROI فى هذا التوسع مقارنة بحجم تكاليفه.
7️⃣هل لديك القدرة علي السيطرة وإدارة مواردك واستغلالها بشكل صحيح فى ظل هذا التوسع.
8️⃣هل تستطيع تحقيق الانتشار والتوسع من خلال وسائل اخري أقل تكلفة ولها عائد أفضل.
طبعا دى مجموعة من الاسئلة المهمه جدا واللى لازم يكون عندك اجابات واضحه لها وإلا هتكون بتحكم على البيزنس بتاعك بالإعدام.
تحياتي
كريم محسن
=================================================
احنا موجودين في كل المنصات عشان نوصلكم المعلومة اللي تفديكم في شغلكم او الابتسامة اللي بتساعدنا في مواجهة الظروف الصعبة او يارب يجعلنا سبب في انك تلاقي وظيفة
مستنينكم
***********************
***********************
0 تعليقات