#السرعة إنك تكون عايز تنجز المطلوب في المدة والوقت المناسب بشكل مدروس ومبني على تحليل وليس وجهة نظر شخصية علشان تضمن جودة النتائج بالطريقة الصحيحة عن طريق أهل التخصص والخبرة.
#الإستعجال إنك تكون عايز تنجز المطلوب في المدة والوقت الغير مناسب بشكل عشوائي وغير مدروس عن طريق أهل الثقة مش أهل الكفاءة وده هيخليك مش هتضمن جودة النتائج ولا هتضمن الحفاظ على ما تملك من موارد.
علشان كده لازم نتعلم نكون اهدي، ونمشي فى طريقنا بخطوات مدروسة ونعطي لكل حاجة حقها في الدراسة والتحليل والمتابعة ونعرف مين يقدر يعمل إيه أمتي، ونوظف الموارد إللى بين أيدينا بشكل سليم مبني على دراسة الموارد دي، وليس مبني على قدرتنا الشخصية فقط على فعل هذا العمل.
لازم نتعلم إننا ما نفتح على أنفسنا باب جديد غير لما نتأكد من إغلاق الباب القديم لأن كثرة فتح الأبواب نهايته معروفة مش بنقدر نقفل أى باب ولا بنقدر نحافظ على أى خطوة نجاح وصلنا لها.
علشان كده واحدة من أقوي النصائح الإستراتيجية في بناء الأعمال إنك تكون عارف إن الدنيا تم بناءها في ستة أيام، وذلك لحكمة من ربنا لازم نتعلمها وندركها هي إن كل حاجة فى حياتنا الشخصية أو العملية لازم تاخد وقتها المناسب لها علشان نكون مستعدين للحفاظ عليها في المستقبل ونعرف إزاى نديرها ونبنيها بالمعرفة الحقيقية مش بوجهات النظر الشخصية أو بالإستعجال المفرط إللى ممكن يخلينا نقع فى فخ صعب الخروج منه.
عمر الإستعجال ومحاولة سباق الزمن ما تجني نجاح وده لسبب بسيط لأن كل ما زادت أهمية الشئ كل ما قلت احتمالية إنه يتم بإستعجال.
وخليك دايمآ فاكر إن الطبخة الحلوة لازم تاخد وقتها فى الطبخ علشان تطلع زى ما أنت عايزها وإلا هتلاقي نفسك اكلت حاجة ملهاش مذاق تستمتع به.
وخليك فاكر إن في التأني السلامة وفي العجلة الندامة وإن الشئ لما بيزيد عن حده بينقلب إلى ضده وإنك مهما عملت مش هتاخد إلا نصيبك وحظك من الدنيا وقتها هتلاقي إن استعجالك ليس له اى قيمة في الحياة وافقدك الإستمتاع بما وصلت إليه.
علشان كده لو عايز تبني أى عمل ناحج مش مطلوب منك غير إنك لا تستعجل وإنك تعتمد على أهل التخصص والخبرة والكفاءة وإنك تدرك أن وجهات النظر الشخصية ليست بالضرورة أن تصل بنا إلى الصواب
وهنا يبقي السؤال ما الموقف الذي مر بك في حياتك العملية أو الشخصية يجسد ما ذكر في البوست وكيف تعاملت معه في المستقبل ؟
تحياتي
كريم محسن
=================================================
احنا موجودين في كل المنصات عشان نوصلكم المعلومة اللي تفديكم في شغلكم او الابتسامة اللي بتساعدنا في مواجهة الظروف الصعبة او يارب يجعلنا سبب في انك تلاقي وظيفة
مستنينكم
***********************
***********************
0 تعليقات