سمعنا كتير الفترة دى عن إفلاس شركات وخروج شركات من السوق واستحواذ شركات على شركات اخري وفي ظل الأزمات الإقتصادية في العالم كله كان من الواجب علينا نوضح عدة أمور
مش معني إن في شركة اشهرت إفلاسها إن الشركة دى مش هيكون لها وجود ولا معناه إن فلوس أصحابها ضاعت الموضوع وما فيه أن الشركة دى بالتخصص ده شبه انتهت وأصبح كل ما لها وما عليها تحت تصرف القانون وخلينا نوضح إن موضوع الصيدليات الشهير ده له فترة كبيرة قائم وموجود ولكن الإعلان عن الإفلاس والاشهار هو الذي تأخر، ولكن هذه الصيدليات لها أكثر من عدة أشهر تعانى من انخفاض كبير فى المخزون وخاصة الأدوية الأساسية.
ده غير إن فى شركة توزيع دواء كبيرة استحوذت على أكثر من فرع لها نتيجة تراكم الديون لدي هذه الصيدليات وهذا الأمر طبيعي جدآ نتيجة التسويق الغير مدروس والتوسع المبني على فقاعة وكذبة تسويقية.
ومن خلال ما حدث يتضح لنا أهم الدروس المستفادة من حالات إشهار الإفلاس وحالات الاستحواذ وحالات الخروج من السوق للعديد من الشركات
1️⃣ احذر التسويق بالكذب والخداع لأن هذا النوع من البروباجاندا يعتمد علي إعطاء معلومات ناقصة ومغلوطة عن البراند، وبذلك يتم تقديم معلومات كاذبة ليس لها وجود بهدف نشر الاسم والعلامة التجارية وجمع أكثر عدد ممكن من العملاء فى وقت معين دون الاهتمام بأهمية الحفاظ عليهم في المستقبل.
2️⃣ لا تهتم بالقشور على حساب جودة ما تقدم من منتجات أو خدمات فى بعض الأحيان البعض من الشركات تهتم بالأشياء الظاهرية ولا تهتم بالجوهر وهذا الأمر يساعد فى عملية خداع العميل، ولكن هذا النوع من الخداع لا يستمر كثيرآ لأن العميل واعي ولا يمكن خداعه لذلك صب كل اهتمامك بتقديم منتج أو خدمة ذات جودة بشكل مناسب ولا تكتفي بالظاهر فقط.
3️⃣ احذر التوسع الغير مدروس لو انت مش مستعد إنك تكبر مشروعك أو البراند بتاعك ركز فيما تملكه وحاول تطلع منه أفضل حاجة لأن تكلفة التطوير والتحسين فى نشاطك التجاري بالوضع القائم اقل بكثير من تكلفة التوسع الغير مدروس لأن ممكن بسببه تخسر سمعتك التى تم بناءها فى سنوات علشان كده قبل ما تتوسع وتكبر مشروعك لازم تكون مستعد لهذا التوسع ولديك الموارد والإمكانيات التى تؤهلك لذلك ولو انت مفيش عندك الموارد دى يبقي اكرم لك إنك تحافظ علي ما تملك.
4️⃣اوعي تعتمد على أهل الثقة بأي حال من الأحوال مهم جدآ إنك تعتمد على أهل الكفاءة والثقة معآ واعطي العيش لخبازه ده فى حد ذاته هيوفر عليك سنين كتير ممكن تضيع منك وتكون سبب إنك تخسر كل حاجة فى يوم وليلة وخليك دايمآ فاكر إن العنصر البشري وجودتة أحد أهم أسباب النجاح وتحقيق النتائج.
5️⃣توجيه الفلوس فى مكانها الصحيح أهم بكثير من وجودها، علشان كده المشكلة فى بناء أى براند مش كيفية الحصول على المال، ولكن المشكلة إللى بتكون سبب فى ضياع كل شئ هي كيفية توجيه المال وصرفه، وخلى بالك إنك ممكن تكون بتمتلك مشروع ناجح ولكن بسبب سوء توجيه المال وعدم وضع ميزانية محددة هتكون سبب رئيسي فى فشل المشروع واشهار إفلاسه، وده بسبب عدم وجود خطة واضحة وسياسة واضحة لتوجيه الفلوس وعدم وضع ميزانية محددة لكل شئ.
6️⃣الشركات الكبيرة تدار بالنظام وليس بالأشخاص علشان كده اوعي تدخر وقت أو مجهود إنك تبني نظام وسياسة واضحة لكل حاجة فى الكيان بتاعك وكل ما قدرت إنك تقلل التدخل من العنصر البشري في عملية اتخاذ القرار وكل ما قدرت إنك تبني قراراتك على أرقام وحقائق وسياسة ونظام واضح كل ما كان للكيان بتاعك شأن عظيم.
7️⃣اهتم بأن تكون لك ميزة تنافسية حقيقية ذات واقع ملموس وإذا لم تكن لديك ميزة تنافسية اسعي لتواجدها واحذر الترويج لميزة تنافسية أنت لا تستطيع الوفاء بها حتي لا تقع فى فخ الدعاية السلبية التى لا تستطيع السيطرة عليها بمجرد أن يشعر بها عملائك اهتم أن تقدم دائمآ قيمة حقيقية لعملائك واوفي بها.
وبكده لازم نعرف أن افلاس الشركات أو عمليات الاستحواذ على شركات بتكون لها مؤشرات مسبقة ودورنا اننا نتعلم من المؤسرات دى علشان ما يجي علينا اليوم ونوقع فيها علشان كده حاول دايمآ أن لا تعيد اختراع العجلة وتعلم من أخطاء الماضي وادرس سلوكيات الشركات الناجحة واتبعها.
اتمنى اكون قدرت اوصل لكم لو جزء من معلومة ولو البوست فيه إفادة لكم اكتبولى فى التعليقات واكون سعيد للرد على جميع استفساراتكم
تحياتي
كريم محسن
=================================================
0 تعليقات