فى مرة كنت بتكلم مع واحد من أصدقائي على المسنجر وفى وسط الحديث بيننا لقيتوا بيقول لى أنت عارف إني بعرف أسوق وأنا بمنتهى الإستغراب قلت له أكيد عارف ما هي العربية إللى معاك دى مش جايب لها سواق يعنى علشان يسوقها لك 
لقيته رد عليا كده بإستغراب وقالى ياعم أنت بتتريق عليا أنا بتكلم بجد، بصراحة مكنتش عارف اقول له إيه غير إني قلت له لا والله وهتريق ليه قالى أنا بقولك بعرف أسوق يعنى أبيع أى حاجه.
لحد هنا وما قدرت أمسك نفسي وفجأة قلبت أحمد حلمي فى فيلم عسل أسود لما دخل على ايمي سمير غانم الفصل وهي بتتكلم انجليزى
وقلت له تسوق يعنى تبيع ازاى يعنى 
وبعدين يعنى إيه بتعرف تبيع أى حاجه أنت دارس الكلام إللى انت بتقوله ده ولا عارف يعنى ايه تسويق ويعنى إيه بيع اصلا .
وبعدين يعنى إيه بتعرف تبيع أى حاجه أنت دارس الكلام إللى انت بتقوله ده ولا عارف يعنى ايه تسويق ويعنى إيه بيع اصلا .رد عليا وقالى اه يا عم عادي هو إختراع يعني أنا اصلا بفكر اجيب شوية حاجات كده واسوقها .
وهنا بقي بصراحه مقدرتش أسكت قلت لالا ثوانى بس علشان الموضوع أكبر من إللى فى دماغك ده شوف يا صديقي العزيز
#التسويق يعنى يكون عندك القدرة على اكتشاف وارضاء الإحتياج عند الناس وإنك تقدر تشبع الإحتياج ده بالمنتجات والخدمات أو الأفكار حتى إللى بتتناسب مع الإحتياج ده وتكون كمان عندك القدرة على التعرف على الدوافع اللى بتساهم فى إنها تخلى الناس أصلا تجي عندك وما تروحش عند حد تانى.
الكلام ده كله محتاج دراسة وتحليل عميق لحاجات كتير أوى زى مثلا دراسة السوق إللى أنت هتشتغل فيه ودراسة المنافسين ليك ودراسة سلوك المستهلك وبيكون عايز منك مجهود وأبحاث للسوق وبعدين مين قالك إن التسويق هو البيع الكلام ده مش مظبوط خالص ٠
شوف التسويق بمنتهى البساطه هو العقل والمخ إللى بيفكر ويتكتك إزاى توصل للعميل بشكل أسرع وبشكل يتناسب مع الإحتياج بتاعه وبيوعي العميل بالقيمة الحقيقية فى أى شئ من إللى أنت بتقدمه للعميل، ويقدر كمان إنه يخلق نوع من أنواع الارتباط بين إللى بتقدمه وبين العميل وبيخليك كمان تعرف تحدد القيمة الفعلية للمنتج أو الخدمة بتاعتك بما يتناسب مع عميلك المستهدف وقيمة المنتج أو الخدمة بالنسبة له .
#البيع بقي هو العضلات إللى بتنفذ كل الكلام ده على أرض الواقع وهو المسئول عن ترجمة كل العمليات التسويقية إللى تمت واستغلال كل الوسائل التسويقية فى تحقيق الهدف أو البيع، وهو كمان المسئول عن تحصيل الفلوس من العميل مقابل المنتج أو الخدمة إللى اخدها ودور البيع أنه يشبع احتياجات العملاء بالمنتجات والخدمات إللى تتناسب معاهم بناء على المعطيات إللى عنده من التسويق وإكتشاف إحتياجات العميل من خلال الحوار بينه وبين العميل.
علشان كده لازم تكون عارف كويس إن التسويق أعم وأشمل من البيع والبيع هو جزء من جزء من التسويق.
وبعد ما وضحت له الفكرة رد قالي تصدق اقنعتنى طيب انا عايز بقي اعرف أسوق قلت له انت تانى اسمها عايز اتعلم التسويق وانتهى حوارنا وانا بقوله علشان تتعلم التسويق لازم تتعرف على العلم ده وتقرأ فيه وتبدأ تطبق إللى بتقرأه واحدة واحدة وأهم حاجه إنك تكون عارف إن التسويق يعتبر أسلوب حياة بتقدر من خلاله تتعرف على حاجات كتير اوى مش ممكن تعرفها إلا لما تتعلم التسويق، لأنه بينفعك فى حاجه فى حياتك.
قلت له انت تانى اسمها عايز اتعلم التسويق وانتهى حوارنا وانا بقوله علشان تتعلم التسويق لازم تتعرف على العلم ده وتقرأ فيه وتبدأ تطبق إللى بتقرأه واحدة واحدة وأهم حاجه إنك تكون عارف إن التسويق يعتبر أسلوب حياة بتقدر من خلاله تتعرف على حاجات كتير اوى مش ممكن تعرفها إلا لما تتعلم التسويق، لأنه بينفعك فى حاجه فى حياتك.تحياتى
كريم محسن
=================================================
احنا موجودين في كل المنصات عشان نوصلكم المعلومة اللي تفديكم في شغلكم او الابتسامة اللي بتساعدنا في مواجهة الظروف الصعبة او يارب يجعلنا سبب في انك تلاقي وظيفة
مستنينكم
***********************
***********************
0 تعليقات