"أنا أكبر من مخاوفي"
" I'm Bigger Than My Faers"
أوقات كتير أوى بيكون الخوف من الإقدام على خطوة معينه فى حياتنا هو أكبر عائق أمام وصولنا لشئ كويس فى حياتنا .
والخوف من قرار معين فى حياتك ما هو إلا دليل على عدم المامك بجميع جوانب وعواقب ونتائج هذا القرار سواء كانت النتائج ايجابية أو سلبية .
علشان كده النهارده جاى أقول لك على مجموعة من الخطوات إللى لازم تعملها لو حسيت إنك خايف تقدم على خطوة في حياتك أو خايف إنك تاخد قرار معين فى حياتك.
ولكن.... قبل ما أقول لك على الخطوات دى خلينى اسألك سؤال مهم جدا لازم تسأله لنفسك لو حسيت بالخوف من حاجه معينه .
السؤال هو :- إيه إللى ممكن يحصل لو إللى انت خايف منه ده حصل ؟!
قد يبدو هذا السؤال بسيط وساذج جدآ ولكن.....برغم بساطة السؤال إلا أنه هو مسئول عن تقييم وضعك فى حالة حدوث الشئ إللى أنت خايف منه، ومن خلال الإجابة على السؤال ده بمنتهى الوضوح هتقدر تحدد مدى استعدادك الحقيقي لمواجهة مخاوفك وهنا بقي أنت لازم تعمل الخطوات دى :-
حدد المخاوف والعقبات والنتائج إللى ممكن تحصل نتيجه للقرارات أو الخطوات إللى انت خايف منها . حط النتائج الإيجابية والسلبية فى جدول مقارنه امام بعضهم البعض وحط درجه تقييم لكل نقطه موجوده فى الجدول من حيث درجه تأثيرها على حياتك سواء بالسلب أو الايجاب . اسال نفسك هل الخطوة دى أو القرار ده وقتهم المناسب دلوقتي ولا ممكن يتم تأجلهم لوقت آخر. حدد ما مدى استعدادك لاتخاذ القرار ده وهل انت مؤهل فعلا للتعامل مع النتائج المتوقعة بحلوها ومرها ولا لا . اسال نفسك هل ستشعر بالراحة النفسية والاتزان النفسي لمجرد انك تقدم على الخطوة دى أو تاخد القرار ده ولا لا . حدد مين الأشخاص إللى ممكن يساعدوك على تخطى اى عقبات ممكن تحصل نتيجه للقرارات أو خطواتك اسال نفسك ماذا لو حدث امر معين وايه هى الطرق إللى ممكن تسلكها فى حالة حدوث هذا الأمر. بمجرد ما تمشي على الخطوات دى وتجاوب عليها بعناية هتحس اد ايه انه احيانا الشئ اللى بنخاف منه ممكن ما يكونش فى احسن منه.
وقتها هتحس اد ايه أن مخاوفك فى معظم الأوقات علاجها بيكمن في انك تتجرأ عليها .
وهتلاقي نفسك فعلا عندك رؤية واضحه حول كل مخاوفك وعامل حساب كل كبيرة وصغيرة ممكن تحصلك ووقتها هتحس انك مش خايف لأنك عندك سيناريوهات واضحه للنتائج إللى ممكن تحصل وعارف كام ازاى تتعامل معها .
وبكده تكون قدرت تتغلب علي مخاوفك بشكل نهائي عرفت ازاى تواجه كل المخاوف دى بشكل بسيط وسهل وسلس .
وافتكر القاعدة الربانية فى قوله تعالي بسم الله الرحمن الرحيم
وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ ۖ وَعَسَىٰ أَن تُحِبُّوا شَيْئًا وَهُوَ شَرٌّ لَّكُمْ ۗ وَاللَّهُ يَعْلَمُ وَأَنتُمْ لَا تَعْلَمُونَ . صدق الله العظيم
" انت أكبر من مخاوفك ولازم تتجرأ عليها "
تحياتي
#كريم_محسن K.M
=================================================
احنا موجودين في كل المنصات عشان نوصلكم المعلومة اللي تفديكم في شغلكم او الابتسامة اللي بتساعدنا في مواجهة الظروف الصعبة او يارب يجعلنا سبب في انك تلاقي وظيفة
مستنينكم
***********************
***********************
0 تعليقات