🛑اسمع اكثر ما تتكلم🛑 ...
كتير بنروح شركات نلاقي ان صاحب الشركة او المدير التنفيذي او مدير القطاع التجاري 😎 بيعمل اجتماع للتيم بتاعه او الشركة عشان يحكي عن مغامراته 🎙️ في بيع اكبر Tree House 🏡 للعميل المميز Tarazan 🦍 في الغابات المطيرة 🌳 ... بيحصل صح! و الناس بتدخل و تخرج من الميتنج مش فاهمة اي حاجة 🤔
و هنا بيكون في مشكلة انه مش شايف " جبل الجهل الجليدي " او ما يعرف ب “ Ignorance Iceberg “ 🏔️ و في الغالب بيكون السبب ان الشخص ده مشتغلش في مؤسسات او شركات فيها ثقافة الانصات و التركيز علي العميل او انه اتسرع انه يفتح شركة و هو لسه مش علي درايه كافية ببواطن الامور داخل الشركات او انه هو اصلا شخص نرجسي 😒 و ده مش موضوعنا
لو اشتغلت في مؤسسة او شركة ليها منظومة انا متأكد الجملة دي ليها مدلول بالنسبة ليك : 96% من مشكلات الشركة غير معروفة للادارة العليا Top Management
و هحكيلك قصة تأكد كلامي
في عام 1989 ، توصل سيدني يوشيدا ، مستشار يعمل لدى شركة كالسونيك اليابانية لصناعة السيارات ،ان معظم مشاكل الشركة غير معروفة لمن يتخذون القرارات بشأن الشركة. " الإدارة العليا "
بناءً على الدراسة ، كلما هبطت في السلم الوظيفي في الشركة ، زادت المشكلات المعروفة , بمعني معرفة المديرين كانت بـ 9٪ من المشكلات ، و التيم ليدر 74٪ و الخط الأمامي 100٪ من المشكلات
و بعد 34 عامًا ، الوضع متغيرش كتير في الشركات و المؤسسات من جميع المجالات و احجام الشركات و كان في سببين واضحين جدا :
◀️السبب الاول : الأشخاص الفاهمين المشكلة بشكل أفضل هم الاشخاص البيتعاملوا مع العملاء بشكل مباشر, يعتمد فهمهم على حقيقة بسيطة جدًا وأساسية: " ملاحظات العملاء وتجربة مباشرة للمشاكل "
◀️السبب الثاني: يؤدي عدم وجود قنوات تواصل جيدة و حوار بين فريق العمل بالكامل من الادارة العليا حتي الخط الامامي للفشل في توصيل المعلومات إلى المستويات العليا : " بمعني كل ما عليت في التدرج الوظيفي كل ما فقدت المعلومات مش هتوصلك بكفاءة "
النتيجة ان في قرارت بتتاخد من اشخاص المفروض هم عليم مسؤولية كبيرة و لكن هم مش فاهمين المشكلة و كمان عندهم اقل قدر من المعلومات عن اولويات العملاء و توجهات السوق و حتي لو عندك احسن مدير ميقدرش يعوض عدم تنظيم و تناسق المعلومات و القرارت اصبحت مبنية علي وجات نظر شخصية و افتراضات
في عصر أصبح فيه التركيز على العميل كلمة طنانة ، يمر النجاح لأي مؤسسة بفهم حقيقة بسيطة : " الأشخاص الذين يعملون ويتفاعلون بشكل مباشر مع العملاء هم أهم الأشخاص في المؤسسة"
اتعامل معاهم من المنطلق ده و خلي في شفافية في تمرير المعلومات داخل المنظومة و علمهم ايه المعلومات المهمة بالنسبة ليك و اعرف ايه المعلومات المهمة بالنسبة ليهم عشان تقدر تاخد قرار صح لمصلحة البيزنس
المصدر: سيدني يوشيدا ، 1989 ، "جبل الجهل الجليدي".
دكتور نور رضا السروجي
=================================================
احنا موجودين في كل المنصات عشان نوصلكم المعلومة اللي تفديكم في شغلكم او الابتسامة اللي بتساعدنا في مواجهة الظروف الصعبة او يارب يجعلنا سبب في انك تلاقي وظيفة
مستنينكم
***********************
***********************
0 تعليقات