أنتبه.... خدمة العملاء مسئولية الجميع

 

رسالة إلي أصحاب الشركات والأعمال 

الكول سنتر وخدمة العملاء من الأقسام الهامة جدآ فى أى كيان

ولو حضرتك بتأسس القسم ده علشان بس يتقال إن عندك رقم موحد وخدمة عملاء دورهم بس انهم يردوا على الناس، وهما لم يمتلكوا أى صلاحيات أو طريقة للتواصل مع الإدارات والاقسام الأخرى ومفيش عندهم الإمكانيات إللى تساعدهم أنهم يردوا على إعتراضات العملاء بشكل مباشر، يبقي مع الأسف وجودهم زى عدمه.

والأحسن ليك إنك توفر مصاريف الخط الساخن ومصاريف تأسيس قسم خدمة العملاء من البداية كده.

لو أنت مش مدرك أهمية هذا القسم وعندك القدرة على تفعيل أدوارهم بالشكل الصحيح وتوضيح هذا الدور للجميع والتأكيد علي جميع الأقسام الأخري بالتعاون الكامل مع خدمة العملاء يبقي ما تجيش تزعل من ردود أفعال العملاء لما ما يحسوش بجودة الخدمة وترجع تقول البيع واقع والعملاء بيقلوا ليه.

خدمة العملاء وفريق الكول سنتر أكبر بكتير من أنهم يردوا على العملاء وهما معندهومش صلاحيات ولا عندهم القدرة على حل مشاكل العملاء.
 
خدمة العملاء وفريق الكول سنتر بالنسبة لك مصدر رئيسي تقدر من خلاله إنك تطور منتجاتك وخدماتك.

خدمة العملاء وفريق الكول سنتر بالنسبة لك مصدر رئيسي تقدر من خلاله تقيس معدل رضا عملائك وارتباطهم بمنتجاتك وخدماتك.

خدمة العملاء والكول سنتر بالنسبة لك مصدر رئيسي تقدر من خلاله إنك تعرف أداء الأقسام الأخري ومدي تفاعلهم 

خدمة العملاء والكول سنتر بالنسبة لك مصدر رئيسي تقدر من خلاله إنك تحافظ على سمعة الكيان بتاعك وتبني علاقات وطيدة مع عملائك وتقدر من خلال تستقطب عملاء جدد.  

علشان كده لازم نكون عارفين إن خدمة عملاء بدون صلاحيات وخط ساخن بدون إمكانيات مثل الجسد بلا روح لا وجود له.

وفي الختام 

أكتب لنا تجربة ايجابية مريت بها مع قسم خدمة العملاء أو الكول سنتر لأحد الشركات وكانت سبب إنك ترشح الشركة دى لأصدقائك وأقاربك؟

#خدمة_العملاء_مسئولية_الجميع

تحياتي 
كريم محسن


***********************


***********************

إرسال تعليق

0 تعليقات