💡ازاى تنجز اكتر فى وقت اقل ؟؟!!!!💡
✍السؤال إللى حير ناس كتير لحد ما تم اكتشاف السر ومفتاح اللغز الا وهو " الوقت "
⌚الوقت هو اعظم ممتلكات الانسان، ولكن مع الاسف محدش بيحس بوجوده الا لما بيضيع منه.
🏅كتير مننا دائما بيكون مشغول على طول، ومع الاسف مش بيلاقى وقت حتى انه يشم نفسه شويه دائما مضغوط ودائما محبط بسبب عدم القدرة على الانجاز ودايما بيحس ان الوقت مش مكفي، كل ده بسبب عدم إدراك قيمة وأهمية الوقت فى حياتنا .
🏅بنلاقي كثير من الناس بيفكروا فى الشغل وهما موجودين في البيت مع الاولاد، وبيفكروا فى البيت والاولاد وهما موجودين فى الشغل.
حياتهم متلغبطة وده بيخليهم مش بيتقدموا خطوة واحدة فى حياتهم وده كله بسبب عدم إدارة الوقت وعدم استغلال الوقت بالشكل الصحيح .
🏅الوقت بيساوى الحياة ، الوقت هو كل حاجه فى الدنيا هو اعظم ممتلكاتك اللى لو فرطت فيه هتبقي بتضيع حياتك .
✍بما ان الوقت هو حياتك اعتقد مفيش اغلى من حياتك علشان تحافظ عليها علشان كده لازم تدرك أهمية الوقت، وتعرف ازاى تنجز أكثر فى وقت اقل .
🎯طيب ازاى تنجز أكثر فى وقت اقل :- هقولكم على مجموعة من المفاتيح المهمه إللى تخليك تعرف ازاى تنجز إللى مطلوب منك فى وقت اقل وكمان تخليك تعرف تستغل وقتك وتديره بشكل صحيح .
👈ركز على المهم فى حياتك وخليك فاكر ان لو فى حاجه مهمه فى حياتك مينفعش تعملها وانت فى استعجال او تأخرها لآخر وقت تاني.
👈حط لكل مهمه إطار زمني وحدد وقت بداية ووقت نهاية لأى عمل هتقوم به .
👈 جرب تقول لا لما ما يكونش عندك وقت واعتذر بشياكة .
👈 فوض اى عمل روتينى يكون سهل على غيرك يقوم به واحذر تفوض مسئولياتك .
👈 رتب أولوياتك بحسب درجة الأهمية والفعالية يعنى أبدأ دايما بالحاجات المهمه إللى بتأثر بشكل مباشر فى وصولك لأهدافك.
👈استغل وقت الفراغ لصالحك وبلاش تستسلم للحاجات إللى بتسرق وقتك .
👈جرب أكثر من طريقة لأداء اى عمل والتجربة هتخليك توصل إلى أفضل طريقة فعالة لازم تكون مرن .
👈اهتم بالتحفيز الذاتي ( self motivation ) كافئ نفسك كل ما تنجز حاجه فى وقتها وبكده انت هتخلق جواك حب الانجاز والالتزام و هيكون عندك دافع تستمر .
👈 راجع مهامك بشكل يومي واكتب ملخص عن إيجابيات وسلبيات يومك وازاي صرفت الوقت على مدار اليوم وعدل وقيم باستمرار طريقة استغلالك للوقت.
👈 خلى عندك مساحه لأى طارئ ممكن يحصل لك وخلى عندك مساحة للترفيه ولكن تجنب ان المساحة دى تاخد اكبر من حجمها .
وفى النهاية لازم تكون عارف كويس اوى ان الوقت هو اعظم ما يملك الإنسان
الوقت هو السلاح الوحيد اللى هيخليك تتقدم وتحقق كل اللى نفسك فيه ولكن خد بالك ان السلاح ده ذو حدين .
🎖الوقت سلاح ممكن يخليك سعيد طول حياتك لو عرفت ازاى تستغله وتفكر فيه بذكاء .
وممكن يخليك تعيس طول حياتك لو ضيعته فى حاجات ملهاش لازم لا تسمن ولا تغني من جوع .
وبعد ما اتعرفنا على اهم المفاتيح إللى تخلينا ننجز فى وقت اقل نتمنى يكون الموضوع اعجبكم وننتظر تعليقاتكم إللى من خلالها نتبادل الخبرات ونتعرف على طريقة كل واحد فى إدارة وقته
=================================================
احنا موجودين في كل المنصات عشان نوصلكم المعلومة اللي تفديكم في شغلكم او الابتسامة اللي بتساعدنا في مواجهة الظروف الصعبة او يارب يجعلنا سبب في انك تلاقي وظيفة
مستنينكم
***********************
***********************
0 تعليقات