دي شغلانه سهلة ومش مستاهله
واحدة من أهم الخرافات اللى ممكن يصورها لك عقلك إنك #تقلل_من_مجهود_أو_شغل_حد وتستسهله لدرجة إنك تستكتر عليه رزقه لمجرد إنك شايف إن اللى بيعمله ده سهل جدآ إنك تقوم به بنفسك وتحصل علي نفس النتيجة وتوفر راتبه أو تفك منصبه بعدد أكبر من البشر برواتب أقل
#الطريق_السهل ده الواحد مش ممكن يوصل له إلا لما يكون مر بطرق وتجارب كتير اخدت من وقته ومن مجهوده ومن عمره كتير أوي وخبرة كبيرة وسنين سهر ومذاكرة وتعب حتى لو كان شغله بسيط من وجهة نظرك.
أى شغلانه أنت ممكن تكون بتشوفها سهلة ومش مستاهلة لو حضرتك جربت تعملها هتكتشف أنها ولا سهلة ولا حاجة
أنت بس اللي #مستكتر_الرزق على الناس أو مش حاسس بتعب الناس ومجهودها وخائف تعترف بجهودهم لاعتبارات مش موجودة بس إلا في خيالك
علشان كده #التقليل_من_شأن_الآخرين وتهميش مجهوداتهم والتقليل منها لا هو من الدين ولا الضمير .
يقول علماء النفس: إن التقليل من شأن الآخرين والتقليل من مجهودهم واحدة من الأساليب السيئة جدآ اللي ممكن يلجأ لها البعض استجابة لما لحق بهم من إحباط نتيجة عدم قدرتهم على تحقيق دافع لديهم أو المرور بصدمات نتيجة عدم تقدير الآخرين لهم
التقليل من شأن الآخرين شيء مرفوض، فالدين الإسلامي أعطى كل ذي حق حقه في هذه الحياة، حتى البعوض الذي هو صغير يكون له دور في الفتك بالإنسان أقوى مخلوقات الأرض وعلينا أن نتذكر قوله تعالي بسم الله الرحمن الرحيم
وَلَا تَبْخَسُوا النَّاسَ أَشْيَاءَهُمْ وَلَا تَعْثَوْا فِي الْأَرْضِ مُفْسِدِينَ صدق الله العظيم.
التقليل من شأن الآخرين والتقليل من مجهوداتهم واحدة من أهم #المدمرات_النفسية والتي تكون أحد أهم الأسباب في فقد الثقة فى النفس والإصابة بالإحباط واليأس خاصة لو كان ده صادر من شخص مسئول كالمدراء في العمل أو المشرفين عن العمل.
علشان كده لازم نقدر الآخرين ونعترف بجهودهم و نبطل ننظر لهم بعيون النقد الهدامة مهما كانت ظروفهم و أوضاعهم ومكانتهم.
لابد أن لا ننسى حقيقة أن الإنتقاد لشخص معندناش خبرة أو معرفة شيء عن تخصصه أو عمله وكيفية تأديته لا يقلل من شأنه بل يقلل من شأننا
وإذا لم تكن قادر علي إعطاء كل ذي حق حقه فأعلم أن نهايتك سوف تكون أقرب اليك من النفس الذي تتنفسه وبلاش تستكتره الرزق علي الناس و #استقيموا_يرحمكم_الله.
=================================================
احنا موجودين في كل المنصات عشان نوصلكم المعلومة اللي تفديكم في شغلكم او الابتسامة اللي بتساعدنا في مواجهة الظروف الصعبة او يارب يجعلنا سبب في انك تلاقي وظيفة
مستنينكم
***********************
***********************
0 تعليقات