من أحد أهم الأسباب إللى ممكن تخليك تفقد "الكوادر الوظيفية" الموجوده عندك، وممكن تخليك كمان تخلق بيئة عمل مليئة بالسموم إللى ممكن فى يوم من الأيام تتحول لوباء لا يمكن السيطرة عليه إنك تعتمد على #أهل_الثقه وليس #أهل_الكفاءة "
لأن فى الغالب البعض من أهل الثقه بيعتمدوا على أسلوب إداري بيعتبر من أسوأ الأساليب الإدارية على الإطلاق وهو #الإدارة_بالخوف
الأسلوب ده لوحده كفيل إنه يخلي شركتك حاضنه لجيل من الموظفين المتملقين إللى ممكن يعملوا أى حاجه علشان بس يراضوا مديرهم المباشر حتي وإن كان علي حساب البيزنس أو علي حساب كرامتهم وأخلاقهم المهنية.
ده طبعآ بيخليهم بيعملوا شغلهم من غير نفس وبينفذوا الأوامر حتى لو كانوا شايفين إنها ضد مصلحة العمل وده لأن خوفهم من أهل الثقه بيكون أكبر بكتير من دوافعهم للنجاح وتطوير العمل.
#الإدارة_بالخوف والتملق عمرها ما هيكون لها أى نتائج إيجابية فى أى بيزنس وعمرها ما هتكون سبب فى تقدم أى بيزنس بل بالعكس هتكون نتائجها سلبية جدا على البيزنس وعلى جودة وفعالية وتأثير الموظفين ككل.
علشان كده لو انت #صاحب_عمل بتعتمد علي أهل الثقة أو إكتشفت هذه النوعية من المدراء عندك لابد أن تتخلص منهم على الفور لأنهم هيخلوا بيئة العمل عندك عبارة عن روتين لا تطوير ولا تحسين .
ولو عايز البيزنس بتاعك ينجح أنت مش محتاج غير إنك تحط #الرجل_المناسب فى المكان المناسب وتعتمد على أهل الكفاءة من المدراء إللى بيعتمدوا فى اداراتهم على أسلوب الإدارة بالاحترام المتبادل وليس الإدارة بالخوف.
اعتمادك على أهل الثقة ليس له نهاية سوي الفشل الذريع ويحول بيئة العمل الي بيئة عمل سامة لا فائدة منها ويجعلك فاتح أذنيك لكل من هب ودب ووقتها سوف تندم وقت لا ينفع الندم .
وفي الختام 
إلي أي مدي تري أن الإعتماد على أهل الثقة والإدارة بالخوف يؤثران سلباً على البيزنس وكيف كانت تجاربكم مع أسوأ الأساليب الإدارية..؟!
=================================================
0 تعليقات