ناس كتير ممكن تزعل من كلامي بس هي شهادة حق ولا نبتغي منها الا التوضيح و التطوير و ده مش كلام انشاء ولا قناعات ده نتاج #فشل #نجاح الحمد و الفضل لله
الفترة الاخيرة الترقيات بقت بتم بسرعة كبيرة جدا مع العلم ان ده خطر علي الكادر نفسه انك تديه Title و هو لسه مش متمكن من ادواته الادارية و الاخلاقية و واجباته و حقوقه عشان توليه مسؤلية افراد تانية تحته و كان بقي التبرير اصله حاصل علي ال #minimba و ال #minidba و المراكز المعتمدة ....
سؤال بس نفهم معتمدة من مين حضرتك ؟ و يعني ايه mini العلم مفيهوش Mini ولا combo و اصبح استخدام العلم في غير محله من تفاخر و تباهي لا يعطي للعلم قيمة من الاصل لان العلم امانة و انت موصي انك تنقله لانك اصبحت بقي #Senior او #TeamLeader او #Manager او حتي #تنين_مجنح بغض النظر عن الالقاب الرنانة بس دي مش قصتنا لينا راجعه للموضوع ده في مقال تاني بأذن الله
علي مدار حياتي العملية بداية كموظف و صولا لإدارة الشركات ثم ريادة الاعمال مع اختلاف الشركات و المجالات و الصناعات اللي اشتغلت علي مدار 17 سنة اتعلمت من اساتذتي ان الادارة مسؤلية قبل ما تكون حقوق يعني اول حاجة انت مؤتمن انك ترجع #حقوق الناس و تكون عادل في حكمك قبل اي حاجة لان زي ما في ايدك الخصم في ايدك المكافئة احينا بشكل مطلق فلو انت مش سوي نفسيا و اخلاقيا و صريح مع نفسك ممكن تنتهج سياسات ادارية تكون سبب فشلك مش لان التيم المعاك فاشل لان ثبت ان مفيش حاجة اسمها :
" #موظف #فاشل لكن في #مدير فاشل في مدير اتعين قبل اوانه "
لان الموظف ده قبل ما يتعين حضرتك قعدت معاه و اختارته صح !
طيب يعني ايه مدير اصلا عشان قبل ما تقبل الترقيه تبقي عارف ؟
ببساطة هو انك تكون قادر تدير شركتك او التيم بتاعك بفكر ادارى صحي و صحيح , سوي , له اهداف واضحة قابلة للقياس علي فترات زمنية وتقدر توحد التيم مع بعضه عشان يتحركوا كوحده واحدة و تخليهم متأكدين انك واحد منهم افتكر زمان قائد #الجيش كان بيبقي في مقدمة الصفوف خلي بالك من دي قوي
ايدك لازم تكون فى ايديهم فى كل حاجة وبتشتغلوا مع بعض في سهر انت موجود في مشكلة انت موجود خد رأيهم فى الكبيرة قبل الصغيرة ممكن تسمع او تشوف حاجة مكنتش شايفها
لو انت مدير بجد هتحسس كل فرد ان الشركة دى شركته مش انه " #ابن_الشركة " هيحترموك ويحبوك لشخصك مش هيجاملوك عشان خايفين منك وخليك واثق فى قدرة كل واحد فيهم
وابداعه وبطريقتك دى هتخليهم يتفوقوا على نفسهم عشان يحققوا طموحهم فابلتاي يحققوا اهداف الشركة مش عشان يرضوك ويحبوا شركتهم ويحبوا انهم يكبروها ويكبروا فيها
انت عاوز ازاي تبقي قائد سواء مدير او صاحب شركة ناجح و فى موظف معاك مش حابب طريقة الشغل وعاوز يمشى من المكان ! والوقت الى بيقضيه نصه بيضيعه بيدور على شغل فى مكان تانى
حاول متكنش من المديرين اياهم الموظفين يشوفهم الصبح وهما داخلين يضربوا تعظيم سلام ويشوفوهم وهما خارجين وبس خلصت كدة متخليش في وسيط بينك وبينهم معلش اتعب شوية و اسمع ليهم كلهم حتي لو تحتيك معاونين بلاش لما يلاقوك بتتمشى فى الشركة يبقو مرعوبين ومش طايقيين وجودك حواليهم لانك مابتعملش حاجة غير الشخط والنطر على الفاضية والمليانة خلي زعلك ليه قيمة في الشغل
الخلاصة بقي في الكام نقطة دول :
- مفيش موظف فاشل لكن فيه مدير فاشل
-حط نفسك مكان الموظف و افتكر لما كنت مكانه
- المدير هو اللي يقدر يطلع أحسن شغل من الناس اللي معاه
- المدير صديق اكتر منه مدير
- المدير احيانا بيبقي اب و سند و ظهر للموظفين
- المدير هو اللي بيدي الموظفين الأمان و بيخليهم يحبوه و يحترموه و يموتوا نفسهم علشانه
- حتي لو موظف فاشل ، المدير لازم يعيد تقويمه مش يستسهل و يستبدله بموظف تاني بالعكس و يخليه يمشي مع المجموعة لان موظف واحد مش متناغم ممكن يبوظ المجموعة كلها
ومن الآخر كدة المدير الصح لما العميل بيزوره مبيعرفوش جوه فريقه غير بأفعاله
لو انت مدير اوعى تقفل بابك و تبقي في برج عاجي و مسلم ودنك لحد خليك وسط التيم بتاعك
WE BUILD PEOPLE TO BUILD COMPANIES
دكتور نور رضا السروجي
=================================================
احنا موجودين في كل المنصات عشان نوصلكم المعلومة اللي تفديكم في شغلكم او الابتسامة اللي بتساعدنا في مواجهة الظروف الصعبة او يارب يجعلنا سبب في انك تلاقي وظيفة
مستنينكم
***********************
***********************
 ){kind=link}
0 تعليقات