واحدة من #العقد_النفسية إللى بتسبب لنا الكثير من المتاعب فى الحياة سواء على المستوى الشخصي أو العملي أننا دائما بنبحث عن إمتلاك كل الموارد بدون ما نفكر إزاى أصلا ندير الموارد المتاحه بين أيدينا.
وده لأن فكرة إمتلاك الشئ مع مرور الوقت بتفقدنا الإهتمام به، وده بيخلينا مش بنحس بقيمة إللى بين أيدينا إلا بعد فقدانه، وده لأننا دائما مشغولين في #البحث_عن_المفقود ومش بنعرف نستمتع بالموجود.
وهنا هنلاقي دائمآ فى فجوة بين فكرة إمتلاك الموارد وبين فكرة إدارة الموارد المتاحه .
وده بقي الفرق بين الإنسان إللى بيعرف يحقق الكثير بأقل القليل وبين الإنسان إللى مهما إمتلك الكثير عمره ما بيعرف يحقق حتى القليل .
#عقدة_إمتلاك_الموارد من العقد النفسية إللى بتسبب لنا فى حياتنا مشاكل كبيرة جدا، ولكن مع الأسف مش بنحس بها لأنها دائما بتبدأ صغيرة وبتفضل تكبر وتكبر لحد ما تتحول لعقدة نفسية بيصعب علينا التخلص منها ولكن ...... لازم نكون عارفين كويس أوى إن #مفيش_مشكله_ملهاش_حل .
و دلوقتى جه وقت الحل المناسب للتخلص من عقدة حب إمتلاك الموارد علي الرغم من عدم قدرتنا من إدارة الموارد الليبين أيدينا.
الحل دائما فى الحالات دى يبدأ من #عملية_الوعي_بالموارد إللى موجوده عندنا والتفكير فى كيفية استثمارها أولا قبل البحث عن المزيد .
لان المشكلة ليست #محدودية_الموارد أو عدم امتلاكنا المزيد منها ولكن المشكله تكمن فى #طريقة_تفكيرنا وعلشان نقدر نركز على إللى بين أيدينا مش مطلوب مننا غير أننا نعمل الآتى:-
تحديد الموارد المتاحه لدينا ونكتبها على ورق.
تحديد نسب الإستفادة الفعلية منها.
التفكير فى الخطوات اللي ممكن تعلي نسب الإستفادة دى بنسب قليلة من 5% الي 10% كبداية.
وضع هذه الخطوات فى إطار زمني محدد.
ترتيب هذه الخطوات بناء على الأولويات فى حياتنا ودرجة الاهمية.
جعل هذه الخطوات من ضمن روتين حياتنا اليومي.
كتابة قائمة بالإنجازات التى تمت من خلال استغلال الموارد المتاحه.
مكافئة النفس على هذا الإنجاز حتى لو كان هذا الإنجاز بسيط.وبكده هنكون قدرنا نركز كل جهودنا على ما هو متاح لدينا الآن.
دى هتكون #أول_خطوة فى تحقيق أكبر استفادة ممكنة من الموارد المتاحه والتخلص من عقدة إمتلاك الموارد علي الرغم من عدم استغلالنا لما بين أيدينا اولآ
أتمنى لكم التوفيق والنجاح وأكون سعيد للرد على اى سؤال فى التعليقات 
تحياتى
=================================================
احنا موجودين في كل المنصات عشان نوصلكم المعلومة اللي تفديكم في شغلكم او الابتسامة اللي بتساعدنا في مواجهة الظروف الصعبة او يارب يجعلنا سبب في انك تلاقي وظيفة
مستنينكم
***********************
***********************
0 تعليقات