مش عيب خالص إنك تكون مش فاهم فى كل حاجه وفي أى حاجه.
مش عيب إنك تقول معرفش ومش عيب إنك تستعين بحد أقل منك علشان يعلمك إللى أنت مش عارفه.
للأسف الشديد فى نوع من الناس مينفعش نقول عليهم أو نوصفهم إلا بالخبير ابو العريف.
النوع ده من الناس دائمآ هتلاقيه بيحاول يعدل على أى حاجه وكل حاجه حتى لو كانت الحاجه دى مش بيفهم فيها.
هتلاقيه بيحاول دائمآ يتدخل فى كل كبيرة وصغيرة وبيفرد عضلاته ودائمآ بيحاول يحسسك أنه بيجيب الديب من ديله 
هتلاقيه مش بيعجبه العجب ودائمآ بيبص لأى حاجه بعين الناقد إللى مش بتشوف غير نصف الكوب الفارغ فقط.
ويعتبر النوع ده من الناس من أسوأ الشخصيات إللى ممكن تتعامل معاها فى حياتك لأنك مهما عملت برضوا مش هتعجب 
لأنه مش بيشوف أخطائه ولا بيحس بها إعتقادآ منه أن مفيش حد بيفهم أحسن منه.
لأنه مش بيشوف أخطائه ولا بيحس بها إعتقادآ منه أن مفيش حد بيفهم أحسن منه.طيب إزاى نتعامل مع النوع ده من الشخصيات؟!
اوعي تستعين برأيه نهائياً لأنك هتكون فتحت على نفسك باب مش هتعرف تقفله واكتفي بس إنك توجهه بينك وبينه. خلى دائمآ التعامل معه بشكل رسمي والمراسلات بينك وبينه بشكل رسمي. حاول تخلى كلامك معاه " المختصر المفيد " والجواب على قدر السؤال وبلاش فلسفه معاه لأنك هتكون دخلت فى معركة خسرانة. تعامل معه بطريقة " موافق ولكن ..." بمعنى إنك تتفق معه فى بداية حديثه ثم تقول له ولكن وتعرض وجهة نظرك. اديلوا مساحه بسيطه لإثبات نفسه وتعامل معه بنوع من الصبر و التأني واحذر أن يفقدك أعصابك مهما كان. لو حسيت منه بالتجاوز متتردش إنك تعبر عن رأيك بشكل قاطع وطبعآ ده لو اتكرر هذا التجاوز. اجمالا هذا النوع من البشر يمكن السيطرة عليه لمجرد أن لا تسمح له بالتجاوز فى العلاقة وأن تكون كل تعاملاتك معه ضمن إطار رسمي وواضح ومحدد فيه الحقوق والواجبات والالتزام التام بطريقة التعامل معه وبمجرد إنك تتعرف على طبيعة شخصيته .
لو قابلت فى يوم من الأيام هذا النوع من أنماط الشخصيات صف لنا كيف كانت طريقة تعاملك معه وما هي أفضل طريقة للتعامل معه من وجهة نظرك ؟
تحياتي
=================================================
احنا موجودين في كل المنصات عشان نوصلكم المعلومة اللي تفديكم في شغلكم او الابتسامة اللي بتساعدنا في مواجهة الظروف الصعبة او يارب يجعلنا سبب في انك تلاقي وظيفة
مستنينكم
***********************
***********************
0 تعليقات