#اللحظات_الصعبة_في_حياة_رجل_المبيعات
فى لحظات كده بتيجي علي كل #رجال_البيع اللحظات بتكون صعبة جدآ ومفيش أصعب منها ولكن #من_واقع_خبرة على الرغم من صعوبة هذه اللحظات إلا أنها بالفعل ممكن تكون لحظات مفيش أحسن منها في حياتك كرجل بيع.
المعني ده مع الاسف محدش يفهمه إلا لما تعدي اللحظات الصعبة دي.👍
علشان كده اوعي تيأس أو تصاب بالاحباط لو فشلت في إتمام #صفقات_البيع ولازم تعرف أن مفيش حد قدر أن يتمم 100% من صفقات البيع 🎯
#اوعي_تيأس أو تصاب بالاحباط لما تكون عامل كل اللى عليك وبرغم كده النتائج مش زي ما أنت عايز.⭐
اوعي تيأس أو تصاب بالاحباط لما تكون مش بتدخر وقت أو مجهود أو فلوس في إنك تتعلم وتطور من نفسك في مجالك ولسه الفرصة المناسبة لم تأتي إليك بعد.💯
اوعي تيأس أو تصاب بالاحباط لما تحس إن مجهودك مش مقدر ومحدش شايفه و يكفيك أن ربنا مطلع و شايف.✌️
ولازم تعرف إن الفشل أو الإخفاقات أو اللحظات الصعبة في حياة #رجل_البيع هي #المعلم_الوحيد اللي ممكن يعلمك حاجات استحالة تتعلمها من أى حاجه تانية غيرهم.🫰
علشان كده اللحظات الصعبة دي فى حياة أى حد #شغال_في_المبيعات على الرغم من صعوبتها إلا أنها دائمآ بتيجي بخير كبير جدآ بعد مرورها، وعلشان الخير ده ما ينقطع اوعي تيأس لو مريت باللحظات دي.👌
لأن #اليأس_هو_أكبر_خيانة فى حق نفسك وبمجرد ما تسمح له انه يندس إلى داخلك وقتها هتكون تخليت تمامآ عن أى خير ممكن يكون في طريقه إليك.🌹
وخليك فاكر إن اكبر ذنب ممكن رجل البيع يرتكبه فى حق نفسه انه ما يتعلم من محطات الفشل ويفضل يلف فى #دائرة_الفشل لدرجة تخليه يبطل يحاول أو يجرب إنه يخرج منها و يتعود عليها و تتعود عليه لحد ما تبقي جزء من شخصيته.
وقتها بس هتكون سمحت لنفسك إنك تنضم لفريق البيع الشكاي البكاي 😭
علشان كده #لازم_تكون_مستعد تواجه خوفك من الفشل وما تبطلش تحاول إنك تتغلب عليه و تجرب طرق جديدة غير اللي جربتها قبل كده، علشان توصل لنتيجة مختلفة غير اللي دائمآ بتوصل لها.🤔
ولازم تدرك جيداً أن #حياتك_المهنية ماشية وفق #قانون_الإحتمالات اللي بيقول إن أى تجربة أو نشاط في شغل المبيعات بيحقق أحد الإحتمالات إما نجاح التجربة أو التعرف علي تجربة لن تصل بك الي #الطريق_المنشود.
وفي كلتا الحالتين افتكر كويس أوي إنك هتلاقي مكسبك أكبر بكتير من أى خسارة أو لحظة صعبة هتعيشها.
ما تسمحش لنفسك بالوقوع فى دائرة الفشل مرتين و اوعي تصدق إن فى حد حقق نتائج و #نجاح_فى_البيع بشكل خاص وفي حياته بشكل عام من غير ما يمر بمحطات الفشل.
المهم إنك تركز وتتعلم من الفشل، و افتكر إن فى أوقات كتير كنا فاكرين إنها النهاية و نكتشف إنها #أجمل_بداية.
#تجنب_الحديث_السلبى_مع_ذاتك وانتبه كويس اوعي لمفرداتك، لان الكلام السلبي هو اللي بيعمل لحياتك freeze و بيخليك تقف محلك سر ولا تتقدم ولا تتطور.🌸
بل بالعكس حياتك تتأخر كتير و بتلاقى نفسك واقف لوحدك فى مكان مفهوش حد غير المحبطين والأشخاص السلبيين.🛑
افتكر كمان إن الفرص مش هتيجى لك إلا لما تمر بالكثير من التحديات وتواجه الصعوبات لانى الفرص عمرها ما تتطرق باب من لم يكن مستعد لها.🎈
#الفرص_الحقيقية بتيجى للناس اللي يكونوا مستعدين إنهم يواجهوا الفشل و بيستمروا فى المحاولة، و افتكر إن طريق الوصول الأهداف العظيمة ليس مفروشا بالورود.🌹
وفي الختام 👌
ايه هي اللحظه الصعبة اللى عشتها كرجل بيع واكتشف بعد كده أنها كانت لحظه فارقة في حياتك وكانت بداية أفضل لك ⁉️
تحياتي
=================================================
احنا موجودين في كل المنصات عشان نوصلكم المعلومة اللي تفديكم في شغلكم او الابتسامة اللي بتساعدنا في مواجهة الظروف الصعبة او يارب يجعلنا سبب في انك تلاقي وظيفة
مستنينكم
***********************
***********************
0 تعليقات