لو عايز تكون مدير ناجح تجنب الوقوع في هذه الأخطاء 👇
زهقان تعبان مبقتش طايق شغلي خالص
ومش عارف #أعمل_إيه 🤔
هكذا بدأ الحديث بينى وبين أحد عملائي في أحد #الإستشارات ووقتها رديت على العميل وسألته أنت ليك مدة أد إيه فى شغلك الحالي وبالأخص في وظيفتك الحالية ؟
و إيه السبب إللي مخليك زهقان ومفيش عندك طاقة للشغل بالشكل ده ؟
رد عليا وقالي أنا ليا أكثر من 10 سنين شغال فى الشركة منهم تقريبآ 3 سنوات فى وظيفتي الحالية ولكن مش دى المشكلة.
#المشكلة أصلا إن علاقتي بمديري المباشر فيها مشاكل كتير لدرجة إني فعليآ زهقت وبفكر جديا إني أترك العمل و أترك له الجمل بما حمل.
ومن هنا أدركت أن فى #فجوة_كبيرة بينه وبين مديره المباشر، وكل يوم الفجوة دي بتزيد وتكبر لحد ما وصل للمرحلة دي.
وبعد عدة جلسات ونقاشات الحمد لله قدر إنه يتخطي الفجوة دي وركز في شغله ووصلنا لحلول مرضية جدآ له بعد دراسة الحالة من جميع الجوانب، وهو حاليآ قدر يتجاوز المشاكل بينه وبين مديره.
وده خلاني أبحث اكتر علشان أعرف ايه ممكن تكون الأسباب الرئيسية و الجذرية فى حدوث #فجوة_بين_المدير_وموظفيه
وده لأن مثل هذه الحالة تكررت عليا كثير ومن منطلق مبدأ #إذا_عرف_السبب_بطل_العجب
توصلت إلى أسباب الفجوة بين المدير والموظف ولكن......🤔
لازم نعرف أن #الفجوة_بين_المدير_والموظف من الممكن أن يكون سببها المدير نفسه
ومن الممكن أيضا أن يكون سببها الموظف نفسه
و النهاردة حابب اني اوضح لكم أسباب الفجوة بين المدير والموظف من جانب #المدير.
علشان لو أنت مدير في شغلك تتجنب هذه الأسباب علشان لا تخلق فجوة بينك وبين فريق عملك والأسباب هي :-
✍عدم قدرتك على توظيف قدرات وإمكانيات فريق عملك بالشكل المناسب والعمل معهم على أنهم منفذين فقط لاغير.
✍عدم قدرتك على الإعتماد على أهل الكفاءة و الإكتفاء بأهل الثقة وهذا يجعل من العمل شئ روتيني لا تقدم ولا تطور فيه.
✍عدم قدرتك على تطبيق ما تقول وعدم الوفاء بالوعود بشكل متكرر وهذا يفقدك المصداقية بينك وبين أعضاء فريق عملك.
✍عدم قدرتك على ان تكون قدوة لفريق عملك والتعامل معهم بنوع من الندية التي توضح انك خايف علي مكانك أكثر من خوفك على العمل وعدم نجاحه.
✍عدم قدرتك على بحث الحلول وبث روح الصراع والفرقة بين اعضاء فريق عملك و اعتمادك علي بث روح الكراهية والعداء متبع سياسة فرق تسود تلك السياسة التي تفقد فريق عملك القيم والمبادئ وتجعله بلا هوية ومنزوعي الشخصية.
✍عدم قدرتك علي إشعار الموظف بأهميته ودوره فى نجاح العمل وكذلك عدم توضيح نقاط القوة والضعف لديه والعمل على تطوير أدائه من باب ان نجاح الموظف هو بالأساس دليل على نجاحك كمدير.
✍عدم قدرتك على الحياد بين اعضاء فريق عملك والتمييز بينهم من وجهة نظر شخصية بعيدة عن التقييم المحايد المبني علي مؤشرات أداء واضحة.
✍عدم قدرتك على تحفيز وتشجيع فريق عملك بشكل معنوي وبشكل مادي مرضي وكذلك الاستهتار بآرائهم و نتائجهم والتركيز على فقط أخطائهم دون الاعتراف بنتائجهم الإيجابية.
✍عدم قدرتك علي مراعاة حالتهم النفسية ووضعهم بشكل دائم تحت ضغط اعتقادا منك أنهم لن يؤدون أعمالهم مالم يتم ضغطهم بشكل مبالغ فيه ولا يطاق.
✍عدم قدرتك على تطبيق مبدأ الحقوق والواجبات وضعف القرار وغياب الرؤية وعدم وضوح الأهداف وعدم تحديد مهام عمل واضحة ومحددة لكل عضو من فريق عملك.
تلك عشرة أسباب تسبب فجوة بين المدير والموظف من جانب المدير
والمدير القائد هو الذى يستطيع تدارك هذا الأسباب قبل فوات الأوان.
ولكن أيضا الموظف عليه دور كبير فى عدم اتساع هذه الفجوة
وهذا ما سوف يتم تناوله المقال القادم أسباب الفجوة بين الموظف والمدير من جانب الموظف.
تحياتي
=================================================
احنا موجودين في كل المنصات عشان نوصلكم المعلومة اللي تفديكم في شغلكم او الابتسامة اللي بتساعدنا في مواجهة الظروف الصعبة او يارب يجعلنا سبب في انك تلاقي وظيفة
مستنينكم
***********************
***********************
0 تعليقات