علامات مهم تعرفها بتأكد إنت بتحترق وظيفياً ولا لا! 🥹
1- دايماً حاسس بإرهاق ذهنياً ونفسياً وبدنياً حاسس إنك مش قادر تاخد نفسك ! لدرجة إنك ممكن تفكر تستقيل ومتنزلش الشغل عشان تكمل نوم.
2- ميبقاش عندك نفس تعمل حاجة، كل هدفك بيبقى إنك تخلص شغل بسرعة عشان تقعد ترتاح وتاخد نفسك.
3- ميكنش عندك اهتمام تطور من نفسك،
مافيش دافع ولا حافز يخليك تفكر تاخد لخطوة قدام.
4- في وسط الشغل تلاقي نفسك وانت بتعمل الشغل وعارف هتعمل ايه وعايز ايه وليه وازاي وكل حاجة وعندك كمان القدرة علي دا بس عطلان وعطلان ليه مش عارف ومش فاهم انت وقفت ليه ومش عارف تكمل ليه!
5- بتبقي قلقان ومتوتر ومهزوز وحالتك النفسية سلبية جداً ومش عارف تبص للأمور بإيجابية ومش متحمل اي ‘نتقاد من حد ولا اي نوع من انواع الضغوط عليك
6- تنعزل عن اللي حواليك خاصة زمايلك في العمل او اي حاجة بتفكرك بالشغل
والعزلة دي كمان بتبقى في بيتك مش بس في الشغل وبتبقى مش عايز تتكلم ولا قادر تسمع.
7- إحساسك بإنعدام القيمة والإحساس دا بيجيلك لما تلاقي القيم اللي عندك مش مُتماشية مع قيم الشغل اللي غالباً بتبقى مختلفة عنك.. فمتحسش بقيمة اللي بتعمله او بتعمله تقضية واجب
8- مش حاسس بمستواك العملي ولا حاسس إنك شاطر رغم إنك شاطر فعلاً ومش حاسس إنك راضي عن مستواك وشغلك.
=================================================
احنا موجودين في كل المنصات عشان نوصلكم المعلومة اللي تفديكم في شغلكم او الابتسامة اللي بتساعدنا في مواجهة الظروف الصعبة او يارب يجعلنا سبب في انك تلاقي وظيفة
مستنينكم
***********************
***********************
0 تعليقات