برغم العدد الكبير من مدربي سيلز العقارات والمستشارين و الإستشارات إلا إن هذا القطاع فعلا بيعاني من ضعف كبير في اداء السيلز وطريقة تواصلهم مع العملاء.
ده طبعآ غير إن أغلب شركات التطوير والتسويق العقاري مع الأسف مش بيكون عندهم معايير في إختيار السيلز المناسب وبيكون كل همهم الشكل والمظهر الحلو وخلاص ومش عارفين إن ترويج وبيع يتطلب مهارات ومعارف وسلوكيات لازم تتوفر في اي سيلز شغال في هذا المجال.
ولو انت سيلز ونويت تدخل هذا المجال لازم تعرف إزاي تستفيد من عملك في هذا المجال.
وعلشان تسفيد من عملك سيلز عقارات لازم تاخد بالك من عدة امور اهمها.
1️⃣ لازم تكون عارف يعني إيه سلوك مستهلك وتعرف ازاي توصل لاحتياجات العميل بشكل سليم لان مش كل عميل عايز يشتري عقار الهدف منه استثمار في اهداف تانية كتير لازم تفهمها وتوصل لها.
2️⃣ لازم تكون بتعرف تدرس السوق وفاهم إيه اللي بيميزك عن غيرك لأنك لو معندكش حاجه بتتميز بها هيبقي زيك زي غيرك خاصة في هذا المجال.
3️⃣ لازم تكون بتعرف تدير الوقت و بتحترم وقت عميلك و خصوصياته ولما العميل ما يرد عليك بلاش تبقي زنان وتتصل اكتر من مرتين وراء بعضهم لان العميل هينفر منك ومن اسلوبك.
4️⃣ لازم تكون بتقدم شئ مفيد للعميل وبتعرف تحدد المكان والموقع المناسب لإمكانياته هو مش لإمكانياتك إنت، كن مستشار لعميلك حتي لو مش هيشتري دلوقتي ابني معاه علاقة طيبه يفتكرك بها حتي لو روحت أي مكان.✌️
5️⃣ لازم تكون عارف ازاي تفتح حوار مع عميلك عبر الهاتف وبلاش شغل الاسكربت اللي يحسس عميلك كانه بيتكلم مع إنسان آلي حافظ ومش فاهم بطل شغل رص الاسكربت وكان عندك تارجت تقول الكلمتين وخلاص.🤔
6️⃣ لازم تطلب من عميلك تقييم لك و لخدمتك و اسلوبك معاه من وقت للتاني وتقبل الراي مهما كان مخالف فوجهة نظرك وشجع عملائك علي التحدث👌
7️⃣ لازم تهتم بفتح الحديث الودي مع عميلك ولا تستعجل العميل في اتخاذ القرار افهم عميلك جيدآ وجمع معلومات عنه وعن متطلباته قبل البدء في التحدث إليه ما هو مش عدد مكالمات والسلام😂
8️⃣ لازم تبقي عارف ان الناس بتحب تشتري من الناس اللي تشبها علشان بلاش فزلكه مع العميل خليك لبق وذوق بدون مبالغه لا في الاسلوب ولا الكلام وخليك عارف ان في فرق بين اللباقة وبين الاستعراض.
9️⃣ لازم تبقي عارف إن اسمك واسم المكان اللي انت شغال فيه مش اسرار حربية بلاش تقولهم بسرعه وكان في حد بيجري وراك مفيش احسن من وضوح التون الخاص بصوتك مهم جدآ اثناء الحديث لعميلك.
🔟 لازم تتعود إنك تسال كتير وتسلم كتير وتتكلم قليل بلاش تمسك الحوار من اول المكالمه لاخرها اعطي لعميلك المساحه إنه يعبر عن نفسه واحتياجاته بوضوح.
تلك عشرة نقاط مهم لاي سيلز شغال في العقارات او عايز يدخل مجال العقارات في يوم من الايام
وفي الختام
اكتب لنا في التعليقات ايه اكتر حاجه بستفزك في اي مكالمه مع سيلز العقارات وتتمني انهم ياخدوا بالهم منها ؟
شاركونا تعليقاتكم 👇
تحياتي
=================================================
احنا موجودين في كل المنصات عشان نوصلكم المعلومة اللي تفديكم في شغلكم او الابتسامة اللي بتساعدنا في مواجهة الظروف الصعبة او يارب يجعلنا سبب في انك تلاقي وظيفة
مستنينكم
***********************
***********************
0 تعليقات