الأستثمار في وظيفة المبيعات

#بداية_النجاح الحقيقي في #مجال_البيع وفي كل المجالات تبدأ من طريق #الإستثمار

ياعم كريم الله يرضي عليك إستثمار ايه و إدخار ايه إحنا عايشين اصلا بالعافية يادوب إللى جاى على قد إللى رايح

منين بقي نعرف أصلا نستثمر 

#خلينى_اقولك إن طريق الاستثمار مش بالضرورة يتطلب وجود فلوس.

ومش ده اللي أقصده خالص

لأن الإستثمار زى ما هو مرتبط بوجود رأس المال فهو كمان مرتبط بوجود #موارد تانية كتير جدآ غير الفلوس، ومع الأسف بسبب اعتقادنا الغلط أن الواحد ما يقدرش يستثمر غير الفلوس بنفضل واقفين محلك سر ولا عارفين نتقدم #خطوة_واحدة.

طيب ازاى بقي تستثمر علشان تنجح فى #مجال_البيع بشكل خاص وفي أى مجال بشكل عام ؟

شوف يا صديقي العزيز #رجال_البيع الموجودين على الساحة كتير جدآ

في منهم إللى واخدها بالفهلوة....

في منهم إللى واخدها بالذراع....

في منهم إللى واخدها محطة لحد ما يلاقي نفسه في مجال تانى....

في منهم إللى #ناجح_فى_البيع ومحقق نتائج عظيمة....

ولكن لما تيجي تحسبها بالورقة والقلم هتلاقي أن نسبة #الأشخاص_الناجحين في مجال البيع مقارنة بعدد رجال البيع ككل أقل بكتير من النسبة إللى المفترض تكون عليها.

وده بسبب إن اغلب رجال البيع مش عندهم فكرة عن الإستثمار في الموارد المتاحة، وللأسف مش بيكون عندهم صبر على أنهم يتعلموا حاجات جديدة يقدروا من خلالها أنهم يحققوا نجاحات فى عملهم.

طيب ايه هو #الإستثمار_فى_الموارد_المتاحة وازاى اقدر أحقق نجاح في مجالي

دلوقتي هقولك على مجموعة من الخطوات علشان تعرف تستثمر في الموارد المتاحة وتحقق الناجح إللى بتتمناه.

استثمر جزء من وقتك واقرأ كل يوم فى مجالك حتى لو ربع أو نصف ساعة يوميآ.

استثمر جزء من وقتك فى حضور محاضرة أو كورس اون لاين أو مشاهدة كورس على اليوتيوب.

استثمر جزء من خبرتك فى تعليم شخص آخر ما لديك من خبرة وتذكر إن #علشان_تنجح_لازم_تساعد_غيرك_ينجح.

استثمر جزء من علاقاتك في تكوين واكتساب معارف ومهارات جديدة وتذكر إن المرء على دين خليله #انتبه_لدائرة_علاقاتك جيدآ

استثمر جزء من فلوسك فى الإشتراك في ندوة أو مؤتمر متعلق بمجال عملك

استثمر جزء من مهاراتك في إبتكار طريقة لأداء العمل توفر عليك الوقت والجهد.

استثمر جزء من وقتك على السوشيال فى تعلم شئ جديد أو تكوين علاقات مفيدة.

ومن هنا هنلاقي إن ما لا يدرك كله لا يترك كله وإن الإستثمار في نفسك هو أعظم إستثمار ومش بالضرورة يكون معاك فلوس علشان تعرف تستثمر فى نفسك ولكن كل إللى مطلوب منك إنك #تعرف_نفسك و #تعرف_الموارد إللى عندك وكمان محتاج تقدر تجاوب علي سؤال مهم جدآ وهو

" كيف يمكن أن تستفيد من هذه الموارد بالشكل إللى يعود عليك بالمكاسب ويساعدك في تحقيق أهدافك؟

وقتها هتعرف #إزاى_تكون_من_الناجحين فى مجال البيع وفي أى مجال

وقتها هتقدر تكون بتتقدم كل يوم عن اليوم إللى قبله وقتها هتدرك #المعني_الحقيقي_للنجاح.

وقتها هتعرف أن الإستثمار فى نفسك هو #أعظم_إستثمار_في_العالم وهو إللى بيساعدك في #بناء_مستقبلك فلك الخيار.

وهنا يبقي السؤال 

ما هو الكتاب الذي قرأته فى مجال عملك وفرق معاك فى حياتك العملية ؟

شاركونا تجاربكم حتى تعم الفائدة 

تحياتى

كريم محسن

=================================================

احنا موجودين في كل المنصات عشان نوصلكم المعلومة اللي تفديكم في شغلكم او الابتسامة اللي بتساعدنا في مواجهة الظروف الصعبة او يارب يجعلنا سبب في انك تلاقي وظيفة

مستنينكم

قناة التليجرام Telegram

قناة التيك توك TikTok

تابعونا على اليوتيوب

جروب الفيس بوك

تابعونا على الأنستجرام

تابعونا على الفيس بوك

تابعونا على الفيس بوك البديل

***********************

***********************