واحد من أهم الأسئلة إللى دائمآ بتسألها من شباب كتير سواء شغالين في مجال البيع أو لسه بيفكروا أنهم يدخلوا المجال ده ولكن بيكونوا مش عارفين الطريق
السؤال ده هو " أعمل إيه علشان أكون رجل بيع شاطر "
الحقيقة في حاجات كتيرة جدآ تقدر من خلالها إنك تكون رجل بيع شاطر و النهاردة هقولك على خلاصة خبرات وتجارب كتيرة جدآ في مجال البيع تقدر من خلالها إنك تكون رجل بيع شاطر وتحقق نجاحات كبيرة جدآ في المجال ده ولكن قبل ما اقولك على الحاجات دي اتمنى انك تمشي بقاعدة مهمة في حياتك العملية في مجال البيع.
القاعدة دى برضوا عبارة عن مبدأ حقيقي مهم يخليك مدرك حقيقية العمل في مجال البيع المبدأ بيقول خلى شغلك وأرقامك هي التى تتحدث عنك أكثر من حديثك عن نفسك واحذر انك تقع في فخ المقارنة لأى شكل من الأشكال لان العمل في مجال البيع بيحتاج إلى تركيز وصبر وفهم لمعطيات كتير جدآ مش هتقدر من غير فهمها إنك تحقق حاجه في المجال ده.
تعالي بقي دلوقتى اقولك تعمل ايه علشان تكون رجل بيع ناجح
اهتم بالتفاصيل واتبع هذه القاعدة التى تقول sales is details
كون قاعدة بيانات ومعلومات عن السوق,والمنافسين عن الاهداف وال history الخاصة بالكيان الذى تعمل به عن المنتجات والخدمات التى تقدمها شركتك عن العملاء وثقافتهم وهكذا.
اهتم بالمنافع التى ستعود على عملائك وادرسها جيدا لان المنافع هى التى تباع.
المصداقية مع العميل اقصر الطرق لتحقيق الاهداف ولا تبيع بالكذب او الخداع.
خلى عندك نظرة تفائل مهما صعب عليك الامر, انجح البائعين على مستوى العالم نجحوا بفضل نظرتهم المتفائلة والبعد عن السلبية والتشاؤم وإعلم ان 80% من اسباب نجاح افضل رجال البيع بسبب نظرتهم المتفائلة و 20% يرجع الى استعدادهم للنجاح.
اهتم بمظهرك الشخصى فانت اول شئ يراه العميل قبل المنتجات او الخدمات كن سفيرا متميزا واترك بصمتك بالشكل الذى يمكنك من ترك اثر ايجابى عند عملائك ولا تنسى ان النظافة من الايمان.
استمع كثيرا وتحدث قليلا لا تعتقد ان مجال البيع هو مجال الكلام الكثير هذا من الاعتقادات الخطأ التى يجب ان تتجنبها البائع المتميز هو من يسمع ويفهم احتياجات العميل ويلبى رغباته وفق هذه الاحتياجات.
استثمر فى نفسك خلى عندك يقين ان اى مبلغ تدفعه لتطوير نفسك فى مجال عملك هو استثمار حقيقى ادخر 10% من دخلك لهذا البند.
اهتم بالتخطيط الجيد لعملية البيع هذا التخطيط يسهل عليك تنفيذ عملية البيع بنسبة لا تقل عن 30% لذلك يعتبر البيع عملية منظمه وليست عشوائية بالبلدى كده انت تكسب والعميل يكسب.
لا تنشغل عن عملائك بأشياء جانبية واهتم بالعميل وبمشاكله واعتراضاته فتعتبر هذه المشاكل او الاستفسارات او الاعتراضات فرص حقيقية يمكن استغلالها.
ومنتظر منك تقول لنا في التعليقات إلى أى مدي تري أن هذه العناصر لها تأثير إيجابي في نجاحك في مجال البيع؟
تحياتي
=================================================
1 تعليقات
كلام جميل ويحترم جدا جدا
ردحذف