قائد الخسارة


 سؤال مهم جدآ سواء كان شغلك B2B او B2C 

كيف يمكن للمنافس أن يقدم عروض قوية ومجنونة قد لا تحقق الربح المطلوب لإستمراره في السوق على مستوي بعض المنتجات أو الخدمات التى يقدمها، وكيف يمكن للمنافس أن يحقق مبيعات عملاقة علي الرغم من أنه في بعض الأحيان ممكن يكون تسعير بعض المنتجات الخاصة به أقل من سعر تكلفتها، وبرغم كل ده بنلاقي المنافسين لينا في السوق مستمرين فى تحقيق الأرباح ؟


الموضوع بسيط جدآ لأن اغلب المنافسين اللى بيعملوا كده بيتبعوا إستراتيجية مهمة جدآ إسمها #قائد_الخسارة 

الإستراتيجية دي كانت السبب في #تحقيق_مبيعات كبيرة جدآ لبعض الشركات في الأسواق العربية والعالمية في مختلف المجالات.


وهنا يأتي السؤال يعني إيه اصلآ #إستراتيجية_قائد_الخسارة وكيف ومتى نطبقها علي مستوي أعمالنا ؟؟


تعتمد العديد من الشركات في ظل المنافسة الشرسة في السوق على اتباع هذه الإستراتيجية ومعناها بمنتهي البساطة أن الشركات دي بتبيع البعض من المنتجات أو الخدمات بعروض قوية جدآ أو بأسعار أقل من سعر تكلفتها في بعض الأحيان 


وده مش معناه إن الشركات دي بيتعمدوا الخسارة ومفيش نشاط تجاري يتعمد الخسارة ولا يهدف إلى تعظيم الأرباح.


ولكن هذه الإستراتيجية لها أهداف واضحة ومحددة جدآ اغلب الشركات بيسعوا إلى تحقيقها  ومن أهم هذه الأهداف:- 


👈أنهم جذب أكبر عدد ممكن من العملاء في فترة زمنية محددة.


👈 أنهم يتخلصوا من البضاعة بطيئة الحركة والراكدة.


👈 أنهم يستحوذوا  على حصة سوقية من المنافسين.


👈 أنهم يدخلوا السوق بسرعة وفي فترة زمنية قصيرة.


👈 أنهم يرفعوا معدل الفاتورة الواحدة لكل عميل.


👈 أنهم يقدروا يعوضوا الخسارة في بعض المنتجات من خلال بيع منتجات أخري مكملة لها.


👈 أنهم يحصلوا على السيولة النقدية فى فترة زمنية محددة أو التجهيز لنزول منتجات موسم جديد.


وفي الختام 


ياتري من وجهة نظركم مين من الشركات في مصر بتطبق هذه الإستراتيجية وما تقييمكم لها ؟ 


بإنتظار مشاركتكم فى التعليقات 


تحياتي 

كريم محسن

=================================================

احنا موجودين في كل المنصات عشان نوصلكم المعلومة اللي تفديكم في شغلكم او الابتسامة اللي بتساعدنا في مواجهة الظروف الصعبة او يارب يجعلنا سبب في انك تلاقي وظيفة
مستنينكم



***********************


***********************

إرسال تعليق

0 تعليقات