( قد يظن الإنسان أنها نهاية المطاف، ولكن يفاجأ أنها البداية الحقيقية لحياة جديدة كان يتمناها )
حياتنا دايمآ مليانة صراعات وتحديات ومواقف صعبة، ممكن تكون فى وقت من الأوقات أكبر بكتير من قدرتنا على تحملها، خاصة لو كانت المواقف دى بنفقد فيها عزيز علينا أو بنحس فيها بالظلم والقهر .
ولكن.....برغم صعوبتها إلا أن فى رب أسمه الكريم ولا نملك وقتها سوى أن نقول غير انا لله وانا اليه راجعون أو حسبنا الله ونعم الوكيل.
السلاح الوحيد لمواجهة أى صعب بيمر علينا هو اللجوء لله سبحانه وتعالي هو الوحيد القادر على أن يرحمنا وهو الوحيد الأحن علينا من أى مخلوق على وجه الارض لذلك علينا تفويض أمرنا لله.
من نعم ربنا علينا هو الإبتلاء لأنه بيغسلنا من الذنوب وبيخلينا نعرف أن مفيش ملجأ ولا مهرب إلا لله سبحانه وتعالي وببخلينا نراجع نفسنا الف مرة قبل ما نجور أو نظلم حد ونكون سبب فى حزنه أو شعوره بالضعف والقهر.
ومن نعم ربنا علينا برضوا أن الابتلاء ده بيكون فى حاجات بعيدة عن أن نفتن فى ديننا وبيكون فيه حكمة من ربنا واختبار لصبرنا واحتسابنا فى الأمر لله سبحانه وتعالي.
ومن نعم ربنا علينا أننا ندرك إن الله اذا أحب عبدآ ابتلاه علشان نكون اسوة لغيرنا فى الصبر والإحتساب ويرفع درجاتنا.
علشان كده كله بيهون وأى تحدي أو موقف صعب بيكون سبب أننا نكون أقوى وبيخلى علاقتنا بربنا أقوي وبيخلينا ندرك ونعرف أن حياتنا مهما كانت صعبة في ناس تانية غيرنا بتتمنى أنها تعيش ربع إللى احنا عايشينه.
المهم إننا نكون عارفين إن ربنا مش بيقفل في وشنا باب غير لما بيفتح لنا أبواب تانية كتير أوى، وبكل تأكيد بتكون أفضل بكتير من الباب إللى اتقفل فى وشنا.
وبعد مرور الوقت بنكتشف أن قفل الباب فى وشنا كان من رحمة ربنا بينا ومن كرمه وفضله علينا.
الحمد لله على فضله ونعمه التى لا تحصي .
الحمد لله على كرمه وقضاءه وقدره .
الحمد لله في السراء والضراء .
تحياتي
=================================================
احنا موجودين في كل المنصات عشان نوصلكم المعلومة اللي تفديكم في شغلكم او الابتسامة اللي بتساعدنا في مواجهة الظروف الصعبة او يارب يجعلنا سبب في انك تلاقي وظيفة
مستنينكم
***********************
***********************
0 تعليقات