" ازاى تخلى العميل يحبك ؟؟

نوفمبر 07, 2022


 " ازاى تخلى العميل يحبك

❤ ؟
النهاردة هقولك على أهم 5 نصائح تخلي العميل يحبك ويثق فيك.
وده طبعا من واقع خبرات وتجارب كتير مريت بها فى حياتي العملية والنصائح دي فعليآ مجربة، وبتجيب نتائج مباشرة، وبتخلي العميل يكون عنده ولاء وإنتماء لك وللكيان إللى أنت شغال فيه.
1️⃣ المصداقية والوضوح مع العميل .
أقصر الطرق علشان تكسب قلوب العملاء هي إنك تكون صادق معاهم فى اقوالك وافعالك.
احذر إنك تبيع لهم الأوهام أو تبيع لهم بالكذب والخداع " اوعي تخدع عميل " لان هيجي اليوم ويكتشف خداعك له ووقتها مش هتلاقي حد تلومه غير نفسك، خلى دايمآ العلاقة بينك وبين عملاءك مبنية على مبدأ الثقه والصدق بحيث أن العلاقة دى تكون " win win situation " وافتكر إن تكلفة الحصول على عميل جديد أكبر بكثير من تكلفة الحفاظ على العميل الحالي .
2️⃣ استمع جيدا لعملاءك وتقبل ردود أفعالهم .
من الأخطاء الأكثر شيوعآ فى مجال المبيعات أن رجل البيع الجيد لازم يكون بيتكلم كتير، ومع الأسف لسه لحد دلوقتى هناك البعض يعتقد ذلك، والاعتقاد ده بيكون سبب رئيسي في نفور الكثير من العملاء من رجال البيع، وعلشان تقدر تتواصل مع عملاءك بشكل يمكنك من كسب قلوبهم وعقولهم لازم تستمع إليهم أكثر مما تتكلم.
الإستماع للعملاء والإنصات لهم هو مصدر رئيسي لرجل البيع فى الحصول على معلومات وحقائق عن المنتجات والخدمات إللى بيقدمها بدون أى جهد أو عناء فى الحصول على هذه المعلومات كما أن العملاء بيزيد معدل تقبلهم لمنتجاتك وخدماتك وبيزيد معدل حبهم وارتباطهم بما تقدمه لما يلاقوا حد بيسمعهم ويستقبل آرائهم ويستطيع احتواء كل ردود أفعالهم.
3️⃣قدم لهم الهدايا العينية واهتم بمناسباتهم .
العميل لم بيحس أنه عميل مميز وله معزة عندك بكل تأكيد بيبادلك نفس المشاعر الطيبة ولا يوجد شئ يعبر عن الحب سوي ان تقدم له هديه نظرا لتعاملاته معك وكما قال رسولنا الكريم "تهادوا تحابوا"
صدق رسول الله صلى الله عليه وسلم.
الهديه هي اصدق تعبير عن الحب وليس بالضرورة أن تكون الهدية باهظة الثمن وانما من الممكن ان تكون الهدية عبارة رسالة صادقة فى مناسبة أو رسالة معايدة أو رسالة بتجربة منتج جديد وهكذا .
4️⃣ركز علي فائدة المنتجات والخدمات ولا تركز على خصائصها
اى عميل مش مهم بالنسبة له خصائص المنتج، ولكن مهم عنده أن المنتج ده يكون بيشبع رغباته واحتياجاته وده إللى بيخلى العميل يرتاح لبائع عن الاخر، لأنه عارف احتياجاته ويقدر يشبعها بشكل مباشر وواضح بتركيزه على الفائدة التى تعود على العميل من اقتناء المنتج وده إللى بيخلى العميل دايما يحس ان البائع بيحاول يفيده وبيرشده دايما للمنتجات إللى تتناسب مع احتياجاته .
علشان كده لازم نعرف أن الفوائد هي التى تباع وتستطيع من خلال تركيزك على الفائدة والقيمة إللى تتضاف للعميل انك تخليه يحبك ويحب منتجاتك وخدماتك .
5️⃣ كن بشوش الوجه وحسن الخلق واوفي بالوعود
الابتسامه هي السحر الحلال الذي يدخل السرور فى نفوس الناس وتشعرهم دائما بانهم أشخاص مرحب بهم ده طبعا غير أن تبسمك فى وجه أخيك صدقه تجزى عليها.
حسن الخلق هي دليل على تربيتنا دائما ضع نفسك موضع الآخر والتمس العذر للاخر تفوز واحترامهم وتكسب محبتهم، لا تماطل اى وعد تقطعه مع اميلك مهما كلفك الأمر من وقت أو جهد لان الوفاء بالوعود يكسبك احترام عملاءك ويجعلهم يقدرون جهودك.
وبكده نكون تعرفنا على أهم 5 نقاط تقدر من خلالهم تخلى العميل يحبك ويقدرك
و برأيكم ايه تانى ممكن يخلق محبة واحترام بيننا وبين العملاء ؟
تحياتي
#كريم_محسن K.M

=================================================

احنا موجودين في كل المنصات عشان نوصلكم المعلومة اللي تفديكم في شغلكم او الابتسامة اللي بتساعدنا في مواجهة الظروف الصعبة او يارب يجعلنا سبب في انك تلاقي وظيفة
مستنينكم



***********************


***********************

Tags:,كتب المبيعات,أسترتجيات البيع,

إرسال تعليق

0 تعليقات