المقال الماضي تكلمنا عن سر من أسرار تحقيق المبيعات وهو
#خطوة_الإستكشاف" وعرفنا أهميتها لأى حد شغال فى #مجال_البيع وخاصة لو هو #مدير_أو_مشرف_مبيعات ولو لسه ما قرأت المقال تقدر تشوفه المقال من هنا
أسرار تحقيق المبيعات ( خطوة الاستكشاف )
النهاردة هنتكلم عن السر التانى من #أسرار_تحقيق_المبيعات ولكن قبل ما ندخل فى الموضوع خلينى في البداية أقول إن #البيع_متعة_حقيقية لن يدركها إلا من كان لديه القدرة على إدراك نقاط قوته الحقيقية ويحسن إستغلالها ويدرك نقاط ضعفه ويبدأ يشتغل على الحد منها بتطوير نفسه بإستمرار.
كمان #البيع_فن حقيقي لن يدرك معناه إلا من كان لديه القدرة على إقتناص الفرص وبيقدر إنه يحسن إختيار الفرص المناسبة لإمكانياته وقدراته وعنده القدرة على حساب #تكلفة_إقتناص_الفرصة والعائد عليه من إستغلالها من عدمه والبيع فن لأنه بيؤثر فى سلوكياتنا وردود أفعالنا وبيخلينا نعرف نتعامل مع مختلف أنواع البشر.
وكمان #البيع_علم حقيقي لن يدرك أهميته إلا من كان لديه الدافع الداخلي إللى بيخليه يتحرك بثبات وقوة ومزيد من المرونة والتجرد من وجهات النظر الشخصية إتجاه التغيير نحو الأفضل، وهذا الدافع هو إللى بيخلينا نسعي دايمآ أننا نطور من أنفسنا ويكون عندنا إطلاع دائم على كل ما هو جديد فى هذا المجال وكمان الدافع ده هو إللى بيخلينا نقدر نتغلب على أى صعوبات ممكن تواجهنا.
وبعد ما تعرفنا على أن البيع متعة حقيقية وفن وعلم يستحق مننا الجهد والوقت لتعلمه وده لأننا نستخدم البيع فى مختلف المواقف إللى بنمر بها في حياتنا.
ودلوقتي جه الوقت إللى أقولكم فيه على السر التانى من أسرار تحقيق المبيعات والمتمثل في #خطوة_بناء_الأساس
بعد خطوة الإستكشاف ودراسة كل الجوانب إللى ممكن من خلالها أننا نكتشف الفرص الحقيقية إللى نقدر من خلال اقتناصها نزود مبيعاتنا ونحقق أهدافنا بيجي دور خطوة بناء الأساس إللى بنشتغل فيها على عدة جوانب أهمها:-
1️⃣وضع سياسة واضحة للعمل ورؤية واضحة وموحدة للجميع وفق مؤشرات أداء واضحة لجميع أعضاء فريق العمل وخلى بالكم من كلمة موحدة للجميع لأنها السر إللى هيخلينا نشتغل زى خلية النحل بالظبط.
2️⃣تعيين وتحديد الأهداف المطلوب تحقيقها سواء على مستوى المبيعات وأيضا علي مستوى كفاءة فريق العمل مع مراعاة أن تكون هذه الأهداف بعيدة عن التعجيز أو تكسير العظام.
3️⃣نحدد العوامل المساعدة لينا لتحقيق المبيعات ونبدأ فى توفيرها حسب الأولوية ودرجة الأهمية فى سبيل تحقيق أهدافنا.
4️⃣وضع الرجل المناسب فى المكان المناسب وإختيار فريق العمل وتوظيفه بالشكل السليم بناء على قدرات كل شخص وامكانياته ومدي توافق هذه القدرات والإمكانيات مع قوة المكان إللى بيشتغل فيه وطبيعة العملاء ومستوى ثقافتهم زى الشطرنج لو فى شخص مش موجود فى مكانه الصح مش هيقدر إنه يحقق المطلوب منه وهيكون سبب فى ضياع فرص كتير علينا ومش بعيد يكون سبب فى إنهيار المبيعات.
6️⃣ خلق بيئة عمل إيجابية تعتمد على رفع الروح المعنوية للجميع وتضمن العمل نحو هدف واحد بعيد عن الأهداف الشخصية أو الفئوية وذلك يأتي مع الوقت ومع المتابعة والمراجعة المستمرة من قبل المدير أو المشرف.
7️⃣ دراسة التوقعات بناء علي المعلومات التى تم الحصول عليه فى الخطوة السابقة ورسم الخطط والخطط البديلة للتعامل مع هذه التوقعات.
وبعد ما عرفنا خطوة بناء الأساس من أسرار تحقيق المبيعات إلى أى مدي تري أن هذه الخطوة مؤثرة بشكل كبير فى تحقيق الأهداف وماذا لو لم تجد هذه الخطوة الإهتمام مننا ؟
تحياتى
=================================================
){kind=link}
0 تعليقات