9 أسرار يخلوك تقفل أي صفقة حتى مع أصعب عميل!

لو بتشتغل في المبيعات، فاعرف إن الفرق بين مندوب عادي و“Top Closer” مش في الكلام، بل في الطريقة اللي بيدير بيها الحوار، وبيوجّه بيها العميل ناحية القرار الصح.

1️⃣ خليه يحس هو بيخسر إيه

قبل ما تتكلم عن المميزات، ورّي العميل تكلفة إنه يفضل زي ما هو. خليه يحس إن التأخير غالي.

مثال: "كل شهر بتأخر فيه في تنفيذ النظام ده بتخسر 50 ألف دولار كفاءة… ست شهور يفرقوا معاك بكام؟"

2️⃣ بيع للمُشكّك

اللي بيعارض غالبًا هو صاحب القرار الحقيقي. اكسبه بأسئلة مفتوحة تخليه يشرح مخاوفه.

مثال: "ساعدني أفهم ليه الحل ده ممكن مايكونش مناسب لفريقك؟"

3️⃣ خليه يشتغل شوية

العميل اللي بيشارك في التقييم بيحس إن القرار ملكه. واللي بيتكاسل، مش ناوي يشتري.

مثال: "قبل مكالمتنا الجاية، ممكن تراجع البيانات دي وتبعتلي النتايج؟"

4️⃣ اخلق إحساس بالأستعجال

من غير Deadline القرارات بتتأجل. استخدم عامل الوقت لصالحك.

مثال: "فيه مكان واحد فاضي للـImplementation الشهر ده، نقدر نحجزه ليك؟"

5️⃣ اربط العالي بالأرخص

ابدأ بالباقة الأعلى كـ “مرساة سعرية”. أي سعر بعدها هيبان طبيعي.

مثال: "الباقة الكاملة بـ100 ألف، لكن أغلب الشركات بتبدأ بـ30 ألف."

6️⃣ اقفل الصفقات الصغيرة بسرعة

العميل اللي مش جاد هيسحب وقتك. اعرف بدري مين مناسب ومين لأ.

مثال: "شكل الحل ده أكبر من احتياجك الحالي."

7️⃣ ماتبدأش بالـ Pitch

ابدأ بالأسئلة مش بالعرض. اكتشف قبل ما تشرح.

مثال: "قبل ما أشرح أي حاجة، ممكن تفهمني أكبر تحدي عندكم دلوقتي؟"

8️⃣ بيع المشكلة مش الحل

الناس بتشتري عشان ترتاح من وجع. خليه يحس بالمشكلة قبل الحل.

مثال: "تفتكر بتخسروا كام شهريًا بسبب العمليات اليدوية؟"

9️⃣ خليه هو اللي يبيعك لنفسه

اسأله ليه المفروض يشتغل معاك. لما يجاوب، بيقنع نفسه إنك الأفضل.

مثال: "احنا بنختار عملائنا بعناية، قولّي إيه اللي بيميز شركتكم؟"

---

💡 الخلاصة:

أقوى البائعين مش بيكسروا الاعتراضات… هما بيمنعوها.
لأنهم ببساطة بيبيعوا للشخص الصح، في الوقت الصح، بالطريقة الصح.

اقرأ كمان: أسرار البيع الذكي في السوق المصري

"إزاي تقفل صفقة بيع"

"أسرار رجال المبيعات الناجحين"

"مهارات البيع الحديثة"

"تدريب مبيعات مجاني"

***********************

***********************