#سنة_أولي_مبيعات بتكون فيها كمية لخبطة وعقبات كفيلة إنها توقف أي #رجل_بيع وتخليه مش عارف إزاي يبدأ.
السبب في ذلك إن رجل البيع في عامه الأول برغم معرفته بما يريد الوصول إليه إلا إنه بيكون مش عارف #إزاي_يبدأ_صح وتكون بدايته في العمل في المبيعات بداية قوية ينطلق من خلالها نحو #التميز_في_المبيعات
علشان كده مفيش في حياتنا أصعب من الخطوة الأولي في أي شئ نقدم عليه.
تعالوا كده مع بعض نفتكر الخطوة الاولي في مواقف كثيرة مرينا بها 👇
📌 أول خطوة فى البحث عن عمل.
📌 أول خطوة فى البحث عن بنت أو إبن الحلال.
📌 أول خطوة تجاه تحقيق أى هدف فى حياتنا.
📌 أول خطوة تجاه الإستقلال الوظيفي.
📌 أول خطوة لك في شركتك أو في السوق.
📌 أول خطوة لما حبيت تطلب زيادة فى الراتب.
دائماً ما تجد أن الخطوة الأولى دى كانت صعبة جدآ جدآ عليك ولكن بعد ما بتخطي الخطوة الأولى دي تكتشف أنها ولا صعبة ولا حاجة.
وإن الصعوبة اللى كانت مرسومة فى خيالنا كانت بسبب أننا مش بيكون عندنا رؤية إيه إللى هيحصل بعد الخطوة دي.
مش بنكون عارفين ردة الفعل إللى ممكن تحصل بعد الخطوة دي.
علشان كده لازم نعرف حاجه مهمه جداً 👌
لو إحنا مش عارفين البداية إزاى أو إيه اللي مفروض نعمله علشان نحقق أى حاجه فى حياتنا سواء كانت على المستوى العملي أو الشخصي.
لازم ولابد أولاً نتمتع بالشجاعة والجرأة على إتخاذ الخطوة الأولى بس 👉👌
وبمجرد ما نبدأ بالخطوة دى هنكتشف أن إللى كنا خايفين منه مفيش أحسن منه.
#الخطوة_الأولى هي مفتاح كل الأبواب المغلقة بعد كده مش مطلوب مننا أننا نفضل نشغل تفكيرنا فى إيه هيحصل بعدها.
مش مطلوب مننا نشغل تفكيرنا فى البحث عن المجهول إللى مش عارفين إذا كان خير أو شر إلا بعد ما نبدأ بالخطوة الأولي.....
لكن مطلوب مننا أننا نبدأ خطوة خطوة طالما الخطوة دى محسوبة ولا يوجد فيها ما يغضب الله #اعقلها_وتوكل
#البدايات_الصحيحه لأى عمل فى حياتنا تبدأ بالفكر والتخطيط وأننا نعمل حساب كل كبيرة وصغيرة وده أسمه #الأخذ_بالأسباب
وبعد ما نفكر ونخطط ونأخذ بالأسباب نبدأ بمرحلة السعي ونحط كل حاجه فكرنا فيها وخططنا لها فى الفعل من خلال خطوات واضحه نحو التنفيذ المتأني ونحط تحت كلمة المتأني دى 100 خط 🙂
ولكن فى نقاط مهمه جدا لازم ناخدها بعين الإعتبار وإحنا بنبدأ فى تحقيق أى حاجه عايزين نوصل لها .
1️⃣ اعطي كل حاجه حجمها الطبيعي وبلاش توصل لمرحلة إنك تكون مخطط جيد ولكن التنفيذ زيرو بمعنى بلاش التخطيط يأخذ وقت كبير أكتر من اللازم .
2️⃣ احذر أن تستعجل النتائج بالأخص لو الشئ إللى عايز توصل له مهم جداً بالنسبة لك لان كلما زادت أهمية الشئ كلما قلت احتمالية انه يتم بإستعجال .
3️⃣ كسر أهدافك الكبيرة وقسمها إلي أهداف صغيرة وخليك فاكر إن الألف ميل بيبدأ بخطوة وعمرك ما هتوصل للأهداف الكبيرة إلا لما تحقق الأهداف الصغيرة الأول .
4️⃣ ضاعف مجهودك بالتدريج أوعي تقع فى فخ " الحماس الزائد " لأنه فى الغالب مش هيعدي عليك وقت كتير غير لما تصاب بالإحباط واليأس وده بسبب إنك عملت مجهود كبير ومضاعف بشكل سريع متجاهلآ قدراتك وإمكانيات الحالية والنتائج غير ملموسه.
5️⃣ استعين دائماً بالأشخاص إللى مشيوا نفس الطريق قبل منك ده هيقصر عليك المسافات كتير وخد منهم ونفذ وأحكم بعد التنفيذ مش قبله لان فى الغالب هتلاقي لهم خطوات كتير غير منطقية قد لا تقتنع بها ولكن نتائجها هتكون مبهرة بالنسبة لك لمجرد بس انك جربتها.
6️⃣ اهتم جداً إنك تبص جواك وتشوف نفسك بعيونك مش بعيون الآخرين وده هيساعدك كتير فى عملية التقييم الذاتي وانك تعرف تحاسب نفسك صح وتكافئها كمان وبكده هتكون تخلصت من عقدة الناس بتشوفني إزاى .
دى مجموعة من النقاط المهمة إللى ممكن تساعد أى إنسان مش عارف إزاى يبدأ وتخليه يأخذ خطوات نحو الخطوة الأولي
شاركونا بنقاط آخري شايفين إنها ممكن تفيد فى البدايات ولا تنسوا شير البوست حتي تعم الفائدة.
تحياتي
كريم محسن
=================================================
){kind=link}
0 تعليقات