لو أنت شغال فى مجال المبيعات وعندك نفس المعاناة إللى أكثر من 70% من إللى شغالين فى #مجال_المبيعات بيعانوها وهي أنهم دخلوا المجال بس علشان هو المتاح أمامهم يبقي البوست ده مهم جدآ لك👌
خلينى فى البداية أقولك كده إنك مش محتاج تكون سوبر هيرو ولا تنين مجنح علشان تنجح فى المبيعات، ودخولك المجال ده لو كان صدفه أو لسبب آخر، فأنت فى المكان الصح بس لو كنت بتفكر صح لأنك لو عايز تنجح فى مجال المبيعات، لازم تكون فاهم وعارف إن النجاح فى المبيعات #مسألة_عقلية وأى شئ بيدور فى عقلك هو دايمآ إللى بيصنع الفارق في حياتك العملية والشخصية.
علشان كده إستحالة إنك تنجح فى المبيعات وأنت قاعد تفكر وتغذي عقلك على أفكار كل هدفها أنها تشعرك بالإحباط كونك رجل بيع.
إستحالة إنك تحقق أى إنجاز فى المبيعات وأنت عمال تغذي عقلك على أفكار كل هدفها إنها تخليك عايش متمرد على وضعك وناقم على حالك.
ودي كانت نتيجة دراسة أجريت في جامعة هارفارد على أكثر من 16 ألف موظف مبيعات والتي كانت نتيجتها إن الصفات الأساسية إللى بتحدد نجاحنا أو فشلنا فى مجال المبيعات هي صفات عقلية وأساس نجاحنا فى البيع بيرجع في الأصل إلى #طريقة_تفكيرنا، وده طبعآ يتطلب مننا بناء أساس سليم وعميق مش هنقدر علي بناءه وإحنا عندنا مشكلة فى تفكيرنا.
علشان كده البداية الحقيقية للنجاح فى مجال المبيعات عندنا إحنا مش عند أى حد تانى وكل ما زاد عمق معرفتنا ومهاراتنا كل ما كنا أفضل فى المجال ده، وبمجرد ما نبنى أساس سليم وفق طريقة تفكير سليمة هنقدر نوصل إلي #النجاح_الحقيقي_فى_المبيعات.
طيب إزاى بقي نبني الأساس السليم ونحسن من صفاتنا النفسية والعقلية فى المبيعات ؟
الموضوع بسيط جدآ ولكن إحنا مع الأسف بنشوف أن #الحلول_البسيطة_قليلة_الحيلة، على الرغم من أنها ممكن تكون هي المنقذ لينا ومش قليلة الحيلة زى ما إحنا معتقدين ولكن لأننا مش بنركز فيها بنستسلم للأمر الواقع وخلاص.
رجل المبيعات العادي مش بيستخدم إلا نسبة بسيطة جدآ من امكانياته في البيع لا تتجاوز النسبة دي 10% بس ومعني كده إن في 90 % من إمكانياتنا لم تستخدم أو غير مستغلة بشكل سليم، وهنا مش مطلوب من كل واحد فينا غير إنه يعرف امكانياته كويس ويكتشفها ويبدأ إنه يشتغل على زيادة نسبة إستغلاله لإمكانياته حتى لو بنسبة بسيطة جدآ.
ولكن.....المهم فى ده هو #الإستمرارية لأن فى علاقة مباشرة بين مفهومنا عن أنفسنا وبين ادائنا وفعاليتنا، لذلك إحنا محتاجين دايمآ نركز مع أنفسنا كرجال مبيعات أكتر من تركيزنا على العالم الخارجي وعلى الأخرين، وده يعتبر الشئ إللى بيخلينا نفكر إننا نشتغل ونسعي لفترة أطول بإجتهاد وذكاء أكبر، لان مقدار التقدم إللى بيحصل بمجرد ما نستغل جزء أكبر من إمكانياتنا هيكون هو #الدافع لينا للنجاح فى المبيعات
وهنا لازم نكون عارفين إن مفيش حد اذكي مننا ولا أفضل مننا، وإذا كان فى #رجل_مبيعات أفضل مننا أداء فهذا يعني إنه قدر يستغل إمكانياته وجزء كبير منها لرفع مستوي أداءه للأفضل.
وده يقودنا إلى أن النتائج إللي وصل لها رجل المبيعات صاحب الأداء العالي احنا كمان نقدر نوصل لها بمجرد ما نمشي على نفس الخطي ونطورها ونعرف إزاى نستغل إمكانياتنا صح ونفكر بشكل سليم وعقلية واعية ومدركة أن #النجاح_فى_المبيعات_يبدأ_من_العقل.
وفي الختام
قول لنا من واقع تجربتك إزاى قدرت تنجح فى مجال المبيعات خاصة في مرحلة بداية الطريق؟
تحياتى
كريم محسن
=================================================
){kind=link}
0 تعليقات