أى إنسان بيشتغل فى أى وظيفة فى الدنيا دى بيكون له سعر فى السوق، وسعره ده بيتحدد من خلال مجموعة من العوامل المهمه جدآ واللي لازم أى موظف مهما كان مستواه الوظيفي ينتبه لها جيدآ
من أهم هذه العوامل :-
✍ المهارات اللى بيتمتع بها الموظف والمهارات ممكن تكون مرتبطة بوظيفته أو مهارات عامه تساعده على إتقان عمله بكل كفاءة وفعالية.
✍ مدي المامه بالمعارف والمعلومات التى تتعلق بعمله والصناعة إللى شغال فيها.
✍ قدرته على التواصل الفعال وبناء علاقات ايجابية مع العملاء ( داخلين _ خارجين )
✍ تمتعه بالروح الإيجابية وبث الامل والتفاؤل والنظرة الموضوعية والحياد فى عرض الأفكار.
✍ الالتزام بالمواعيد واحترام أوقات العمل وتأدية العمل بكل اخلاص مهما كانت الصعوبات إللى بتواجهه
✍ حب التعلم والاطلاع على كل ما هو جديد فى مجال العمل والتمتع بالثقافة العامه والقدرة على إدارة المواقف والأزمات.
علشان كده أى موظف لازم يعرف إمكانياته كويس أوى ويدرسها ويعرف هو سعره كام فى السوق بناء على ما يتمتع به من قدرات ومهارات و إمكانيات.
طيب إزاى تحدد سعرك فى السوق ؟!
علشان تعرف سعرك كام لازم تسأل نفسك سؤال مهم جدآ ولما تعرف تجاوب على السؤال ده هتقدر تحدد سعرك كام
السؤال هو :- ايه القيمة ( value ) إللى بتقدمها فى شغلك ومش موجوده عند حد تانى ؟
قد يبدو أن السؤال بسيط جدآ ولكن إجابة السؤال ده بتحتاج منك إنك تراجع نفسك فى حاجات كتير أوى وتقعد مع نفسك وتفكر بتمعن ولما توصل لإجابة واضحه هتعرف تحدد سعرك بناء على القيمة إللى بتضيفها فى شغلك.
وتقدر كمان إنك تعرف إمكانياتك كويس أوى وتحدد كمان نقاط قوتك ونقاط ضعفك وازاى تتعامل مع التحديات والفرص إللى هتقابلك وده كله هيخليك تعرف أنت " سعرك كام "
مع الأسف الشديد أكتر حاجه ممكن تخليك إنسان محبط ويائس فى أى وظيفة إنك تكون بتدى نفسك أقل من قيمتها خاصة لما بتكون بتقدم قيمة حقيقية في شغلك.
علشان كده لازم تكون عارف كويس أوى ال values والميزات الموجوده عندك ومش موجوده عند غيرك وقتها هتعرف إزاى ترتقي بسعرك فى السوق وقتها هتعرف امتى بالظبط تعمل shift career أو امتى تفكر انك تروح مكان عمل آخر.
خليك دايما زى لاعب الكورة كل ما بتزيد مهاراته وإمكانياته كل ما القيمة إللى بيقدمها للنادى بتاعه بتزيد وبترفع من سعره فى السوق وتفتح له فرص كتير .
وفي الختام 👇
ياتري أنت دلوقتى تقدر تحدد سعرك كام في السوق ؟
تحياتي
كريم_محسن K.M
=================================================
0 تعليقات