مضغوط ومتدايق من ضغط الشغل وساعات بتحس بالملل على الرغم من إنك بتكون محقق نجاح كبير فى شغلك .
ساعات بتحس بضغط غريب وخمول وكسل رهيب ممكن يستمر معاك اسبوع كامل بدون اى تحسن أو تقدم على الرغم من إنك بتكون أنجزت فى شغلك والمفترض إنك تكون فى قمه نشاطك وسعادتك بالإنجاز ده.
اوعي تقلق خالص لان أغلبنا بتيجلوا الأعراض دي والموضوع بيكون له أسباب مهمه جدآ لازم ننتبه لها .
السبب الأول أن ممكن تكون الأعراض دى بسبب عضوي أو حاجه إلى فيتامين معين ناقص فى الجسم وهنا انت بتكون محتاج تراجع الدكتور، ويعملك شويه تحاليل علشان يحدد الأسباب الجذرية وراء هذه الحالة على سبيل المثال مثلا نقص فيتامين D 
السبب الثاني أن ممكن تكون الأعراض دى بسبب ضغط جسدي وذهني، وهنا جسمك وعقلك بيحاولوا يرسلوا لك رسائل واضحه تنبهك أنهم محتاجين لراحة وإنك حملتهم فوق طاقتهم، وهنا انت لازم تنتبه للرسائل دى وتدركها وتلبي رغبتهم فى الراحة على الفور .
السبب الثالث أن ممكن تكون الأعراض دى بسبب غياب التقدير أو التحفيز، وهنا انت داخليا بتحس أن جهدك غير مقدر من الآخرين وده لما مش بتلاقي تقدير لشغلك أو تعبك وهنا انت بتحس بنوع من خيبة الأمل إللى بتنعكس على مشاعرك وأحاسيسك وبتخليك تصاب بالإحباط والملل والخمول وغياب الدافع إنك تواصل وتستمر.بعد ما عرفنا الأسباب جه الوقت اللى لازم نفهم فيه الطبيعة النفسية للسيلزجية، وازاى نتعامل مع الرسائل إللى بتجيلنا من أجسادنا ونفهمها ونترجمها بشكل سليم .
جسمك له الحق أنه يرتاح بعد مجهود كبير وحقه عليك كمان إنك تعمله صيانه دورية زى العربية بالظبط.
يبقي مفيش مانع انك تراجع الطبيب لما الموضوع ده يتكرر معاك علشان تتأكد ان جميع وظائف جسمك شغاله بشكل سليم.
ويبقي مفيش مانع كمان إنك تقدر نفسك بنفسك اوعي تستنى تقدير من حد.
حاول تسعد نفسك بنفسك، وتعمل لنفسك تحفيز ذاتي بمجرد ما تحس إنك مضغوط أو عندك حالة ملل من الشغل .
خلى عندك قائمة بكل حاجه انت بتحبها وبتعشقها ممكن تكون الحاجه دى أكلة معينه أو مكان معين أو شخص بتحب تتكلم معاه وكل ما تحس إنك أنجزت كافئ نفسك بشئ من القائمة دي، وبكده انت مش هتكون محتاج تقدير من حد إلا من رب العالمين اولآ ثم من نفسك.
وبكده تكون قدرت تتخلص من كل الأعراض إللى اتكلمنا عنها وعندك رؤية واضحه لوجودها و فاهم يعنى ايه رسائل نفسية انت ممكن تكون مش منتبه لها وعرفت العلاج كمان المتمثل في :-
تراجع الطبيب . ترتاح وتريح جسمك وذهنك . تقدر وتحفز نفسك بنفسك.اتمنى يكون الموضوع فيه افادة لكم ولو الموضوع اعجبكم شير حتى تعم الفائدة وننتظر آرائكم فى التعليقات
تحياتي
=================================================
احنا موجودين في كل المنصات عشان نوصلكم المعلومة اللي تفديكم في شغلكم او الابتسامة اللي بتساعدنا في مواجهة الظروف الصعبة او يارب يجعلنا سبب في انك تلاقي وظيفة
مستنينكم
***********************
***********************
0 تعليقات